ग्रामपंचायत निवडणुकीसाठी १२७ उमेदवार रिंगणात

Image may contain: drawingशिरुर, ता.१६ सप्टेंबर २०१८(प्रतिनीधी) : शिरुर तालुक्यात होत असलेल्या ग्रामपंचायत निवडणुकित सरपंचपदासाठी १५ तर सदस्यपदासाठी ११२ उमेदवार निवडणुक रिंगणात असुन त्यापैकी धानोरे ग्रामपंचायत बिनविरोध झाली आहे.

शिरुर तालुक्यातील सात ग्रामपंचायतींसाठी निवडणुक प्रक्रिया सुरु असुन शनिवार(ता.१५) हा अर्ज माघार घेण्याचा शेवटचा दिवस होता.अर्ज माघार घ्यायला मातब्बर नेत्यांची सकाळपासुनच धावपळ सुरु होती.करडे,आंबळे,रांजणगाव गणपती या मातब्बर ग्रामपंचायतींची निवडणुक होत  असल्याने संपुर्ण तालुक्याचे या ग्रामपंचायतींच्या निवडीकडे लक्ष लागुन आहे.

शनिवारी(ता.१५) रोजी सदस्यपदासाठी दाखल असलेल्या २७६ अर्जांपैकी १५५ अर्ज मागे घेण्यात आले तर सरपंच पदासाठी २९ अर्ज मागे घेण्यात आले.पैकी यापुर्वी धानोरे ग्रामपंचायतीचा एकमेव अर्ज राहिल्याने बिनविरोध झाली आहे.

अर्ज माघार घेण्याच्या शेवटच्या दिवशी ढोकसांगवी येथे दोन जागा बिनविरोध करण्यात आल्या. तर करडे या ग्रामपंचायतीत भाग्यश्री गणेश घायतडक,रोडे सुनिता संतोष,रोहिनी संतोष वाळके,रुपाली विजयकुमार जगदाळे यांना बिनविरोध करण्यात यश आले.

शिरुर तालुक्यातील मातब्बर व अतिसंवेदनशील ग्रामपंचायती म्हणुन या ग्रामपंचायती ओळखल्या जातात.त्यामुळे या ग्रामपंचायत निवडणुकित कोण बाजी मारणार याचीच शिरुर तालुक्यात सध्या ठिकठिकाणी चर्चा पहायला मिळत आहे.

सदस्यपदासाठी अर्ज :-
गावाचे नाव           उमेदवार   माघार   अंतिम

रांजणगाव गणपती     ११९       ८३     ३६
ढोकसांगवी            ३१       १७     १४
करडे                 ३८       २०     १८
चव्हाणवाडी            २३      ०७      १६
आंबळे                ३३      १५      १८
कळवंतवाडी            २३      १३      १०
धानोरे                ०९       ००     ००

सरपंचपदासाठी अर्ज  :-
गावाचे नाव            उमेदवार      माघार   अंतिम

रांजणगाव गणपती       ८           ६        २
ढोकसांगवी             ६           ४        २
करडे                  ८           ६        २
चव्हाणवाडी             ८          ५         ३
आंबळे                 ६          ३         ३
कळवंतवाडी             ८          ५         ३
धानोरे                 १          ०         १

Comment Box is loading comments...

संबंधित बातम्या