शिरूर तालुक्यातील थोडक्यात महत्त्वाच्या संक्षिप्त बातम्या>>>

घोलपवाडीत पालखी रथाच्या बैलजोडीचे पुजन
टाकळी भीमा, ता. 21 जून 2019 (आकाश भोरडे): येथील श्री संत सदगुरू योगीराज बाबा महाराज पालखी सोहळ्याच्या रथासाठी घोलपवाडी येथील रोहिदास अर्जुन ढेकणे व साहेबराव अर्जुन ढेकणे यांच्या 'बबड्या-सुंदर' या बैलजोडीची निवड करण्यात आली आहे. या बैलजोडीचे पूजन पंचायत समितीचे माजी सदस्य सुनीलतात्या महिपती वडघुले यांच्या हस्ते करण्यात आले. उपसरपंच पांडुरंग ढोरे यांनी स्वागत केले. या पालखी सोहळ्याचे टाकळी भीमा येथून रविवार (ता. 30) दुपारी एक वाजता पंढरीनाथ पठारे यांच्या हस्ते पुजन करून पालखीचे पंढरपूरकडे प्रस्थान होणार आहे. यावेळी रामेश्वर महाराज इंगळे यांचे कीर्तन होणार आहे. संत योगीराज बाबा पालखी सोहळ्याचे हे चौदावे वर्ष आहे. निवडलेल्या बैलजोडीची गावातून सवाद्य मिरवणूक काढण्यात आली. यावेळी सर्व ग्रामस्थ उपस्थित होते.

निमगाव म्हाळुंगीतील नुकसानग्रस्त कुंटुंबास मदतीचा हात
Image may contain: 4 people, people standing
निमगाव म्हाळुंगी, ता. 17 जून 2019 (आकाश भोरडे) : वादळी वाऱ्याने अनेक ठिकाणी घरांचे व झाडांची पडझड होऊन अनेकांचे खूप मोठे नुकसान झाले आहे. येथील बाळू शिवराम चव्हाण व गणेश बाबा चव्हाण या दोन गरीब शेतमजूर कुंटुंबाचे रविवारी (ता. 9) झालेल्या वादळी वाऱ्यात घरावरील पत्रे उडून गेल्याने आणि घराची पडझड झाल्याने खूप मोठे आर्थिक नुकसान होऊन त्यांचे संसार उघड्यावर आले आहेत. या घटनेची माहिती मिळताच जि.प.सदस्या सौ. रेखाताई मंगलदास बांदल यांनी विशेष लक्ष देऊन या कुंटुंबाची पाहणी केली. तसेच त्यांना तातडीने स्वतः स्वखर्चाने जेवणाची सोय करून विशेष मदतीचा हात दिला. तहसीलदारांशी चर्चा करून लवकरात लवकर योग्य ती शासकीय मदत मिळवून देण्याची ग्वाही दिली. यावेळी घटनास्थळी आबासाहेब शिवले, निमगाव म्हाळुंगीचे पोलिस पाटील किरण काळे आणि इतर ग्रामस्थ उपस्थित होते.

शिरूर तालुक्यात वटपौर्णीमा उत्साहात साजरी
Image may contain: 2 people, people standing and outdoorशिरूर, ता. 17 जून 2019: शिरूर तालुक्यात वटपौर्णीमा उत्साहात साजरी करण्यात आली. सकाळपासूनच महिलांनी वटवॄक्षाची पुजा करण्यासाठी ठिकठिकाणी गर्दी केली होती. रविवार (ता. 16) हिंदू संस्कॄती नुसार महिलांनी पतीच्या दिर्घायुष्यासाठी व्रत ठेवून जन्मोजन्मी हाच नवरा मिळू दे अशी प्रार्थना करून व वटवॄक्षाची पुजा करून वट पौर्णिमा उत्साहात साजरी केली. तळेगाव ढमढेरे सह परीसरातील शिक्रापूर, धानोरे, दरेकरवाडी, सणसवाडी, कोरेगाव भिमा, पेरणे फाटा, वि{लवाडी, निमगाव म्हाळुंगी, कासारी, टाकळी भिमा, घोलपवाडी, दहीवडी, पारोडी, अरणगाव, उरळगाव, न्हावरे, करडे, आंबळे, पिंपळे जगताप, मुखर्इ, जातेगाव,, कोंढापुरी, रांजणगाव गणपती  आदी ठिकाणी सकाळपासूनच महिलांनी वटवॄक्षाची पुजा करण्यासाठी गर्दी केली होती.वडाच्या झाडाला दोरा गुंडाळून पतीच्या दिर्घायुष्यासाठी साकडे घालण्यात येत होते. यावेळी सर्व सुवासीनींनी एकमेकींना हळदी कुंकू लावून हा सण साजरा केला.

हिंदू-मुस्लीम ऐक्यातून भारतीय संस्कृतीचे दर्शन: सदाशिव शेलार
Image may contain: 6 people, people sitting
शिक्रापूर, ता. 5 जून 2019 : हिंदू-मुस्लीम ऐक्यातून भारतीय संस्कृतीचे दर्शन होत असल्याचे प्रतिपादन शिक्रापूर पोलीस ठाण्याचे पोलीस निरीक्षक सदाशिव शेलार यांनी केले. येथील मस्जिदमध्ये शिक्रापूर पोलिस ठाणे व ग्रामस्थांच्या वतीने इफ्तार पार्टीचे आयोजन करण्यात आले होते. यावेळी पोलिस निरीक्षक सदाशिव शेलार बोलत होते. याप्रसंगी त्यांनी सर्व मुस्लिम बांधवाना रमजानच्या शुभेच्छा देऊन हिंदू-मुस्लिम ऐक्याची जोपासना करण्याचे आवाहन केले. यावेळी शिक्रापूरचे माजी सरपंच रामभाऊ सासवडे, माजी उपसरपंच कानिफ गव्हाणे, पोलिस कॉन्स्टेबल ब्रम्हा पोवार, सिराज शेख, युनूस तांबोळी, मुन्ना तांबोळी, यासीन तांबोळी, आयुब तांबोळी, मुबारक तांबोळी, शिरूर तालुका कला शिक्षक संघाचे अध्यक्ष प्रविण जगताप, शिक्षक परिषदेचे तालुका कार्याध्यक्ष प्रा. एन. बी. मुल्ला,  रमेश गडदे, महेश शिर्के, तात्या महाजन, इम्रान इनामदार आदी उपस्थित होते. कार्यक्रमाचे प्रास्ताविक व सूत्रसंचालन नुरमहमद मुल्ला यांनी केले तर सीराज शेख यांनी आभार मानले.

निमगाव म्हाळुंगी येथे जखमी घुबडाला जीवदान
Image may contain: 3 people, people standingनिमगाव म्हाळुंगी, ता. 5 जून 2019: येथील विद्या विकास मंदिर माध्यमिक व उच्च माध्यमिक विद्यालयाच्या प्रांगणात पाण्याच्या शोधात असलेल्या घुबडाला कावळ्यांनी घेरले. त्यामुळे घुबड जखमी झाले. जखमी घुबडाला शाळेतील शिक्षक दादाभाऊ पवार, कर्मचारी अण्णा शिंदे व अनिल गुंजाळ यांनी कावळ्याच्या तावडीतून सोडविल्याने घुबडाला जीवदान मिळाले आहे. पाण्याच्या शोधात सध्या हिरवळीच्या ठिकाणी पशुपक्षी येत आहेत. जखमी घुबडाला वनविभागाच्या ताब्यात देण्यात आले आहे.

लिना मोकाशी यांचे अल्पशा आजाराने निधन
Image may contain: 1 person
इनामगाव,ता.४ जुन २०१९(प्रतिनीधी) : मुख्यमंञी देवेंद्र फडणवीस यांचे स्विय सहायक सिद्धेश्वर मोकाशी यांच्या पत्नी लिना सिद्धेश्वर मोकाशी (वय.३२) यांचे अल्पशा आजाराने नुकतेच निधन झाले.

लिना यांना निमोनिया आजाराचे निदान झाल्याने त्यांच्यावर पुणे येथील रुबी हॉल या रुग्णालयात उपचार सुरु होते.त्यांच्या पश्चात पती, एक मुलगा असा परिवार आहे.

घोडगंगा कारखान्याचे संचालक दिलीप मोकाशी,श्रीगोंदा कारखान्याचे माजी संचालक विजय मोकाशी हे दिर होत.सिद्धेश्वर मोकाशी यांनी मुख्यमंञी कार्यालयात काम करताना माजी मुख्यमंञी अशोक चव्हान,माजी मुख्यमंञी पृथ्वीराज चव्हाण यांचेही स्वीय सहायक म्हणुन काम पाहिले होते.मुख्यमंञी कार्यालयात ओमप्रकाश शेटे यांच्या माध्यमातुन तालुक्यासह जिल्हयातील अनेक गोरगरीबांना रुग्णालयासाठी मुख्यमंञी सहायता निधी मिळवुन दिला तसेच अनेक गोरगरिबांचे प्राण वाचविले आहेत.

तळेगाव ढमढेरे येथे मतदान जागृती अभियान
Image may contain: 18 people, people smiling, people standing
तळेगाव ढमढेरे, ता. 28 एप्रिल 2019 : येथील युवकांनी एकत्र येऊन मतदान जनजागृती फेरी काढून मतदारांचे लक्ष वेधले. मतदानाचा टक्का वाढवण्याच्या दृष्टीने येथील युवकांनी एकत्र येऊन मतदान जागृतीसाठी हातामध्ये फलक घेऊन तळेगाव ढमढेरे बाजारपेठेतून फेरी काढून घोषणा देऊन मतदान करण्याचा संदेश मतदारांपर्यंत पोहोचवला. वृद्ध असो किंवा जवान,सर्वजण करा अवश्य मतदान. दान आहे मतांचे,भविष्य आहे उज्ज्वल भारताचे. आपले मत, आपला हक्क....चला मतदान करू या ....अशा मतदान जागृती संदर्भातील घोषणा या युवकांनी दिल्या. या मतदान जागृती फेरीमध्ये नंदकुमार बाळसराफ, अविनाश जकाते, ओंकार भुजबळ, अभिजीत ढमढेरे, अनिकेत ढमढेरे, जयवंत शिलवंत, गणेश नरके, रोहन ढमढेरे, सुरज भुजबळ, सत्यवान टिळेकर, विकास रासकर, दत्ता तोडकर, सुरज लोखंडे आदी युवकांनी भाग घेतला.

शिक्रापूरात गेल्या तीन दिवसांपासून विजेचा लपंडाव
शिक्रापूर, ता. 19 एप्रिल 2019 (एन. बी. मुल्ला):
परिसरात गेल्या तीन दिवसांपासून विजेचा लपंडाव सुरू असून, गेल्या ७२ तासापासून मलठन फाटा परिसर अंधारात असल्याने येथील नागरिकांनी वीज वितारणच्या गलथान कारभाराविषयी तीव्र नाराजी व्यक्त केली आहे. शिक्रापूर (ता. शिरूर) येथे तीन दिवसापूर्वी झालेल्या वादळी पावसानंतर परिसरात बहुतांश ठिकाणी वीज पुरवठा खंडित झाल्याने दिवसरात्र विजेचा लपंडाव सुरू असल्याने येथील नागरिक त्रस्त झाले आहेत.  मलठन फाटा परिसरात म्युच्युअल कंपनी शेजारी मलठन रस्ता, समर्थ नगर, राउतवाडी, बालाजी नगर आदी परिसरात गेल्या तीन दिवसांपासून विद्युत पुरवठा खंडित झाल्याने संपूर्ण परिसर अंधारात आहे. महावितरण कार्यालयाशी संपर्क साधला असता काम सुरू असल्याचे सांगितले.

गुजर प्रशालेत महात्मा फुले जयंती साजरी
Image may contain: 12 people, people smiling, people standing
तळेगाव ढमढेरे, ता. 12 एप्रिल 2019 (एन.बी.मुल्ला): येथील स्वातंत्र्य सैनिक रायकुमार बी. गुजर प्रशालेत महात्मा ज्योतिबा फुले जयंती उत्साहात साजरी करण्यात आली. महात्मा ज्योतिबा फुले जयंती निमित्त आयोजित कार्यक्रमात प्राचार्य माणिक सातकर यांच्या हस्ते महात्मा फुले यांच्या प्रतिमेचे पूजन करण्यात आले. याप्रसंगी उर्मिला मांडगे व श्रेया वाळके यांनी महात्मा फुले यांच्या कार्याचा आढावा घेतला. यावेळी उपप्राचार्य जगदीश राऊतमारे, पर्यवेक्षक राजाराम पुराणे आदी उपस्थित होते. कार्यक्रमाचे प्रास्ताविक गुरुनाथ पाटील यांनी केले. कुंडलिक कदम यांनी सूत्रसंचालन केले तर अमर सोनवणे यांनी आभार मानले.

शिरूर तालुक्यात पाण्याअभावी पीके लागली जळू
Image may contain: grass, plant, outdoor and natureशिरूर, ता. 8 एप्रिल 2019 (एन. बी. मुल्ला): शिरूर तालुक्यात पाण्याअभावी पीके जळू लागली असून, फळबागाही सुकू लागल्याने शेतकऱयांचे अतोनात नुकसान होत आहे. ऊसाचे पिक मोठया प्रमाणात सुकल्याने शेतकऱयांचे प्रचंड नुकसान होत असून, पाणी टंचार्इच्या तिव्र झळा जाणवू लागल्याने चासकमान धरणातून डाव्या कालव्यात पाणी सोडण्याची मागणी परीसतारील नागरीकांनी केली आहे. शेती व पिण्याच्या पाण्याची समस्या मोठया प्रमाणात भेडसावत आहे. ऊस, उन्हाळी ज्वारी, बाजरी, मका आदी पिके शिरूर तालुक्यात घेतली जातात. मात्र पाण्याच्या टंचार्इमुळे व पारा 40 अंशाच्या वर गेल्याने पिके सुकू लागली आहेत. विशेषत: पाण्याअभावी ऊस पिक मोठया प्रमाणात करपल्याने शेतकऱयांचे प्रचंड नुकसान झाले आहे. फळबागांना देखील पाणी नसल्याने आंबा, कलींगड, खरबुज, डाळींब आदी फळांची वाढ खुंटल्याने शेतकऱयांचे लाखो रूपयांचे नुकसान होणार आहे. पिण्याच्या पाण्याची तसेच जनावरांच्या चाऱयाची व पाण्याचीही गंभीर समस्या निर्माण झाल्याने चासकमानचे आवर्तन डाव्या कालव्यातून व वेळ नदीतून सोडण्याची मागणी परीसरातील नागरीकांनी केली आहे.

विद्याधाम प्रशालेच्या विद्यार्थ्यांनी काढली रॅली
Image may contain: 9 people, people smiling, people standing and outdoor
शिक्रापूर, ता. 30 मार्च 2019: येथील विद्याधाम प्रशालेच्या वतीने मतदार जनजागृती अभियान राबविण्यात आले. भारत निवडणूक आयोगाच्या आदेशानुसार विद्याधाम प्रशालेतील विद्यार्थ्यांनी गावातून प्रभातफेरी काढून मतदारामध्ये जनजागृती केली. विद्यार्थ्यांनी हातात फलक घेऊन मतदान जनजागृतीच्या सामुहिक घोषणा दिल्या. यावेळी प्रशालेचे प्राचार्य नरेंद्र व्यवहारे, उपप्राचार्य रामदास शिंदे, पर्यवेक्षक बाबुराव कोकाटे, केंद्रप्रमुख मोरे तसेच सर्व शिक्षक प्रभातफेरी मध्ये सहभागी होते.  मतदार जनजागृतीचाच एक भाग म्हणून मतदान अभियान या विषयावर विद्यालयात रांगोळी व निबंध स्पर्धेचेही आयोजन करण्यात आले होते. रांगोळी स्पर्धेत ८८ तर निबंध स्पर्धेत २२३ विद्यार्थ्यांनी उत्स्फूर्तपणे सहभाग घेतला.

प्रा. सोनवलकर यांची पोलिस उपनिरीक्षक पदी निवड
Image may contain: 1 person, closeupशिक्रापूर, ता. 25 मार्च 2019: येथील विद्याधाम प्रशालेतील प्रा. संदीप नानासाहेब सोनवलकर यांची महाराष्ट्र लोकसेवा आयोगाच्या परीक्षेतून नुकतीच पोलिस उपनिरीक्षक पदी निवड झाली आहे.

प्रा. सोनवलकर हे प्रशालेतील ज्युनियर कॉलेज सायन्स विभागात २०१५ पासून कार्यरत आहेत. त्यांचे प्राथमिक शिक्षण दुधेबावी (ता. फलटण, जि. सातारा) येथे झाले असून, माध्यमिक ते पदवी पर्यंतचे शिक्षण फलटण येथे झाले आहे. पदव्युत्तर शिक्षण पुणे विद्यापीठात झाले आहे. प्रा.सोनवलकर यांचे या निवडीबद्दल शिरूर शिक्षण प्रसारक मंडळाचे अध्यक्ष सुकुमार बोरा, शालेय समितीचे अध्यक्ष प्रकाश बोरा, संस्थेचे सचिव तु.म.परदेशी, प्रशालेचे प्राचार्य नरेंद्र व्यवहारे, उपप्राचार्य आर.टी.शिंदे, पर्यवेक्षक बाबुराव कोकाटे व शिक्रापूर ग्रामस्थांनी अभिनंदन केले.


हुतात्मा पिंगळे जयंतीनिमित्त तळेगावमध्ये अभिवादन
Image may contain: 12 people, people standing
तळेगाव ढमढेरे, ता. 5 जानेवारी 2019: येथील समाजभूषण संभाजीराव भुजबळ विद्यालयाच्या वतीने हुतात्मा विष्णू गणेश पिंगळे यांच्या १३० व्या जयंतीनिमित्त अभिवादन करण्यात आले. विद्यालयातील विद्यार्थ्यांनी वाजत गाजत प्रभात फेरी काढली व हुतात्मा विष्णू गणेश पिंगळे स्मारकामध्ये अभिवादन कार्यक्रम संपन्न झाला. या कार्यक्रमास सरपंच ताई सोनवणे, मुख्याध्यापक बाळासाहेब चव्हाण, रवींद्र पिंगळे, हुसेन खान आदी मान्यवर उपस्थित होते. याप्रसंगी मान्यवरांच्या हस्ते हुतात्मा पिंगळे यांच्या प्रतिमेस पुष्पहार अर्पण करून स्मारकास मानवंदना देऊन अभिवादन करण्यात आले.

जुलैखा तांबोळी यांचे निधन
Image may contain: 1 person, closeup and textटाकळी हाजी,ता.२८ डिसेंबर २०१८(प्रतिनीधी) : मुंबई, मालवणी (मालाड) येथील शनीवार जुलैखा सलीम तांबोळी (वय 43) यांचे अल्पशा आजाराने नुकतेच निधन झाले.कवठे येमाई (ता.शिरूर) येथील दैनिक सकाळचे बातमीदार युनुस तांबोळी यांची बहिण होत. त्यांच्या मागे पती, दोन मुले, एक मुलगी व जावई असा परीवार आहे.



शिक्षकेतर सेवक संघटनेच्या अध्यक्षपदी अशोक भंडारे
तळेगाव ढमढेरे, ता. 15 डिसेंबर 2018: शिरूर तालुका माध्यमिक शाळा शिक्षकेतर सेवक संघटनेच्या अध्यक्षपदी सणसवाडी येथील अशोक भंडारे तर उपाध्यक्षपदी मुखई येथील विजय गायकवाड यांची बिनविरोध निवड करण्यात आली आहे. शिरूर तालुका माध्यमिक शाळा शिक्षकेतर सेवक संघटनेची बिनविरोध निवडण्यात आलेली अन्य कार्यकारणी पुढील प्रमाणे :- कार्यवाह : दिपक थोरात (जातेगाव), सदस्य : रामदास कांडगे (वडगाव रासाई), महेश नानखिले (तळेगाव ढमढेरे), तात्यासाहेब साठे (नागरगाव), महिला प्रतिनिधी : कविता चौधरी. यावेळी आयोजित करण्यात आलेल्या बैठकीस महाराष्ट्र राज्य शिक्षकेतर महामंडळाचे सहकार्यवाह शिवाजी खांडेकर, जिल्हा संघटनेचे कार्याध्यक्ष सुखदेव कंद, पुणे शहर सेवक संघटनेचे कार्यवाह सुभाष तांबे आदी मान्यवर उपस्थित होते.

Comment Box is loading comments...

संबंधित बातम्या