शिरूर तालुक्यातील थोडक्यात महत्त्वाच्या संक्षिप्त बातम्या>>>

शिरूरमध्ये राष्ट्रवादीने केले मोफत कांद्याचे वाटप
शिरूर, ता. 9 डिसेंबर 2018:  राष्ट्रवादी कॉंग्रेसच्या वतीने शनिवारी (ता. 8) येथील बाजार समितीच्या प्रवेशद्वारात दिवसभर फुकट कांदा वाटप करून सरकारच्या कांदा व शेतमालविषयक धोरणाचा निषेध करण्यात आला. राष्ट्रवादी कॉँग्रेसच्या वतीने शनिवारी (ता. ८) येथील बाजार समितीच्या प्रवेशद्वारात दिवसभर मोफत कांदावाटप करून शासनाच्या कांदा व शेतीमालविषयक धोरणांचा निषेध करण्यात आला. गेली साडेचार वर्षे शासनकर्त्यांनी शेतकऱ्यांना रडविण्याचे काम केले असल्याने; शेतकऱ्यांनी आगामी निवडणुकीत बदला घ्यावा', असे आवाहन करण्यात आले. कांद्याला उत्पादन खर्चावर आधारित हमीभाव मिळावा, दुधाचे दर वाढवावेत, शेतकरी कर्जमाफीची आकडेवारी व लाभार्थी यादी जाहीर करावी या मागण्यांकडे शासनाचे लक्ष वेधण्यासाठी झालेल्या या आंदोलनात पक्षाचे कार्यकर्ते सहभागी झाले होते.

गुजर प्रशालेत महापरिनिर्वाण दिनानिमित्त डॉ. आंबेडकरांना अभिवादन
Image may contain: 2 people, people standing
तळेगाव ढमढेरे, ता. 8 डिसेंबर 2018: येथील स्वातंत्र्यसैनिक रायकुमार बी. गुजर प्रशालेत महापरिनिर्वाण दिनानिमित्त डॉ. बाबासाहेब आंबेडकर यांना अभिवादन करण्यात आले. येथील गुजर प्रशालेत आयोजित या कार्यक्रमात प्राचार्य माणिक सातकर यांच्या हस्ते डॉ. आंबेडकर यांच्या प्रतिमेचे पूजन करण्यात आले. याप्रसंगी सुवर्णा चव्हाण यांनी डॉ. बाबासाहेब आंबेडकर यांच्या कार्याची माहिती दिली. यावेळी सियाल कांबळे, कोमल गायकवाड व ओम भुजबळ यांनीही मनोगत व्यक्त केले. कार्यक्रमाचे नियोजन हर्षदा परदेशी व सोनाली हिले यांनी केले. अविनाश कुंभार यांनी आभार मानले.

डॉ. बाबासाहेब आंबेडकर यांच्या जीवनावर नाटिकेचे सादरीकरण
Image may contain: 17 people, people smiling, people standing and outdoorविठ्ठलवाडी, ता. 7 डिसेंबर 2018: महापरिनिर्वाण दिनानिमित्त विद्यार्थ्यांनी डॉ. बाबासाहेब आंबेडकर यांच्या जीवनावरील प्रसंग नाटिकेद्वारे सादर करून त्यांच्या कार्याचा आढावा घेतला. येथील श्री पांडुरंग विद्या मंदिरात ६२ वा महापरिनिर्वाणदिन साजरा करण्यात आला. कार्यक्रमाच्या प्रारंभी विद्यालयाचे मुख्याध्यापक सुरेश थोरात यांच्या हस्ते डॉ. बाबासाहेब आंबेडकर यांच्या प्रतिमेस पुष्पहार अर्पण करून अभिवादन करण्यात आले. यावेळी यावेळी इयत्ता पाचवी ते सातवी पर्यंतच्या विद्यार्थ्यांनी डॉ. बाबासाहेब आंबेडकर यांच्या जीवनातील ग्रंथालयातील प्रसंग, महाडमधील चवदार तळ्याचा सत्याग्रह, संविधानावर आधारित संसदेतील भाषण असे विविध प्रकारचे प्रसंग विद्यार्थ्यांच्या समोर नाटिकेद्वारे उभे करून डॉ. बाबासाहेब आंबेडकरांचा जीवनपट समोर मांडला. यावेळी शालेय विद्यार्थी व मान्यवर भारावून गेले. या नाटिकेत अविनाश वारकरी, कुणाल गवारे, सोहम गवारे, श्रावण गायकवाड, विशाल नागरे, सुरज लोखंडे, साहील गवारे, आदित्य काशीकर, रोहन मावसकर यांनी सहभाग घेतला. ऋतुजा बर्डे हिने डॉ. बाबासाहेब आंबेडकर यांच्या जीवनावर गीत गायन केले. नाटिकेचे निवेदन संस्कृती गवारे व मंगेश खरात या विद्यार्थ्यांनी केले. यावेळी दिगंबर मोरे, प्रभाकर चांदगुडे, अरुण शिंदे, बाळासाहेब गायकवाड, प्रवीण जगताप  आदी मान्यवर उपस्थित होते. कार्यक्रमाचे सूत्रसंचालन संगीता लंघे यांनी केले.

गुजर प्रशालेत अपूर्व विज्ञान मेळाव्यात ११९ प्रकल्प सादर
Image may contain: 12 people, people smiling, people standing
तळेगाव ढमढेरे, ता. 2 डिसेंबर 2018: येथील स्वातंत्र्यसैनिक रायकुमार बी गुजर प्रशालेत अपूर्व विज्ञान मेळाव्यात विद्यार्थ्यांनी ११९ प्रकल्पांचे सादरीकरण केले. अपूर्व विज्ञान मेळाव्याचे उद्घाटन विद्या सहकारी बँकेचे संचालक महेश ढमढेरे, काँग्रेसचे तालुकाध्यक्ष वैभव यादव व शिरूर बाजार समितीचे माजी संचालक दत्तात्रय हरगुडे यांच्या हस्ते करण्यात आले. यावेळी प्राचार्य माणिक सातकर, उपप्राचार्य जगदीश राऊतमारे, राजाराम पुराणे, शिक्षक परिषदेचे जिल्हा कार्याध्यक्ष गुलाबराव गवळे आदी मान्यवर उपस्थित होते. या प्रदर्शनात सौर ऊर्जेवर चालणारी उपकरणे, प्रदूषण प्रतिबंधक प्रकल्प  तसेच पर्यावरण रक्षणांवर आधारित प्रकल्प लक्ष वेधून घेत होते. कार्यक्रमाचे सूत्रसंचालन अर्चना गोरे यांनी केले तर सोनाली शेळके यांनी आभार मानले.

पोलिस पाटलांचे बुधवारी राज्यव्यापी धरणे आंदोलन
शिरूर, ता. 27 नोव्हेंबर 2018: पोलिस पाटलांच्या विविध मागण्यांसाठी राज्यभरातील पोलिस पाटील बुधवारी (ता. २८) मुंबई येथील आझाद मैदानावर धरणे आंदोलन करणार आहेत, अशी माहिती महाराष्ट्र राज्य गावकामगार पोलिस पाटील संघटनेचे जिल्हा कार्यकारी अध्यक्ष बाळासाहेब शिंदे व शिरूरचे तालुकाध्यक्ष पांडुरंग नरके यांनी दिली. पोलिस पाटलांना दरमहा ७ हजार ५०० रुपये मानधन देण्यात यावे, विमा योजना सुरु करण्यात यावी, विम्याचे हप्ते शासनाने भरावेत, निवृत्ती नंतर पोलिस पाटलांना पेन्शन योजना सुरू करावी किंवा एकरकमी ५ लाख रुपये द्यावेत, निवृत्तीचे वय ६५ वर्षे करण्यात यावे, नूतनीकरण कायमचे बंद करण्यात यावे, अनुकंपा तत्व लागू करावे आदी मागण्यांसाठी हे आंदोलन पुकारण्यात आले आहे. या राज्यव्यापी धरणे आंदोलनात पुणे जिल्ह्यातील सर्व पोलिस पाटलांनी उपस्थित राहण्याचे आवाहन जिल्ह्याचे कार्याध्यक्ष शिंदे व तालुकाध्यक्ष पांडुरंग नरके यांनी केले आहे.

निमगाव म्हाळुंगी येथे त्रिपुरारी पौर्णिमेनिमित्त दीपोत्सव
Image may contain: one or more people and indoor
निमगाव म्हाळुंगी, ता. 24 नोव्हेंबर 2018: येथे त्रिपुरारी पौर्णिमेनिमित्त शिवराज्य प्रतिष्ठाणच्या वतीने ग्रामदैवत श्री म्हसोबा महाराज मंदिर आणि श्री महादेव मंदिर या ठिकाणी हजारो दिवे लावून दीपोत्सव साजरा करण्यात आला. सरपंच आणि ह.भ .प. केरबा चौधरी यांच्या हस्ते दिवे लावुन दीपोत्सवाला सुरवात करण्यात आली. यावेळी ग्रामस्थ मोठया प्रमाणात उपस्थित होते. या कार्यक्रमासाठी शिवतेज मित्र समुह आणि आयुष क्रिकेट क्लब यांचे विशेष सहकार्य लाभले. कार्यक्रमाचे प्रस्ताविक नामदेव भोरडे यांनी केले. काकासाहेब ढेरंगे व अमित जायकर यांनी सुत्रसंचालन केले तर शिवराज्य प्रतिष्ठाणचे अध्यक्ष बापूसाहेब काळे यांनी उपस्थितांचे आभार मानले.

शिरसाई देवी मंदिर परिसराचे सुशोभीकरण
Image may contain: 11 people, people smiling, people standing
निमगाव म्हाळुंगी, ता. 23 नोव्हेंबर 2018: येथील शिरसाई देवी मंदिर परिसराचे सुशोभीकरण करण्यात आले असून याचे उद्घाटन जि. प. सदस्या रेखा बांदल यांच्या हस्ते करण्यात आले आहे. श्री क्षेत्र रांजणगाव गणपती देवस्थानच्या वतीने शिरसाई देवी मंदिर परिसराचे सुशोभीकरण करून उद्घाटन करण्यात आले. यावेळी देवस्थानचे अध्यक्ष प्रा. नारायण पाचुंदकर, उपाध्यक्ष ऍड. विजयराज दरेकर, सचिव डॉ. संतोष दूनडे, शेखर देव, निमगाव म्हाळुंगीच्या सरपंच, माजी सरपंच हनुमंत काळे, ऍड. रावसाहेब करपे, विजय कर्पे, ग्रामपंचायत सदस्या शिर्के, प्रसाद कुलकर्णी, मंदार कुलकर्णी आदी मान्यवर उपस्थित होते. शिरसाई देवी मंदिराच्या कामासाठी कोणतीही मदत लागल्यास ती देण्यासाठी रांजणगाव गणपती देवस्थान ट्रस्ट कटिबद्ध असल्याचे यावेळी बोलताना देवस्थान ट्रस्टच्या विश्वस्तांनी सांगितले. कार्यक्रमाचे सूत्रसंचालन हनुमंत काळे यांनी केले तर आबासाहेब शितोळे यांनी आभार मानले.

करडे गावच्या यात्रेनिमित्त विविध कार्यक्रमांचे आयोजन
Image may contain: one or more people and indoorकरडे, ता. 22 नोव्हेंबर 2018 (तेजस फडके): येथील ग्रामदैवत भैरवनाथाच्या उत्सवानिमित्त आज व उद्या (ता. २२ व २३) विविध प्रकारच्या धार्मिक कार्यक्रमांचे आयोजन करण्यात आल्याची माहिती यात्रा कमिटीच्या वतीने देण्यात आली.

आज (गुरुवार) सकाळी ११ वा.पंडित बाळासाहेब वाईकर यांच्या सुश्राव्य संगीत भजनाचा कार्यक्रम, त्यानंतर रात्री ८ वा देवाची पालखी मिरवणुक आणि रात्री १० वा. रघुवीर खेडकर सह कांताबाई सातारकर यांचा लोकनाट्य तमाशा होईल. शुक्रवारी दुपारी ३ ते ६ कुस्यांचा जंगी आखाडा होईल. यंदा करडे गावात पैलवानांच्या कुस्त्या ह्या वजन गटाप्रमाणे लावण्यात येणार असल्याचे यात्रा कमिटीच्या वतीने सांगण्यात आले.त्यामुळे दुपारी २ नंतर पैलवानांची वजने घेण्यात येणार असल्याचे यात्रा कमिटीच्या वतीने सांगण्यात आले. रात्री १० वा. नाद करायचा नाय ह्या मराठी हिंदी गाण्याच्या कार्यक्रमाचे आयोजन करण्यात आले आहे.


पिंपळसुटी बंधाऱ्यावरून वाळूचा ट्रॅक्‍टर कोसळला
Image may contain: outdoorपिंपळसुटी , ता. 21 नोव्हेंबर 2018: येथील घोड नदीपात्रात बेकायदेशीर वाळू उपसून त्याची धनगरवाडी कोल्हापूर पद्धतीच्या बंधाऱ्यावरून वाहतूक करणारा ट्रॅक्‍टर व ट्रॉली सोमवारी (ता. 19) रात्री बंधाऱ्यात कोसळला. या अपघातात चालक जखमी झाला असून, ट्रॅक्‍टरचे मोठ्या प्रमाणात नुकसान झाले आहे. पिंपळसुटी परिसरातील कोणत्याही वाळू भूखंडाचा लिलाव दोन वर्षांपासून झाला नाही. मात्र, गेल्या अनेक दिवसांपासून घोड नदीपात्रात बेकायदेशीर वाळूउपसा करून त्याची बंधाऱ्यावरून धोकादायक पद्धतीने वाहतूक होत आहे. अपघातातील बेकायदेशीर वाळू वाहतूक करणारा ट्रॅक्‍टर हा एका पोलिस कर्मचाऱ्याचा असल्याची चर्चा आहे. त्यामुळे महसूल व पोलिसांनी याबाबत सखोल चौकशी करून दोषींवर कारवाई करावी, अशी मागणी शेतकरी संघटनेचे पश्‍चिम प्रदेश संघटनेचे अध्यक्ष बाळासाहेब घाडगे यांनी केली.


बुरुंजवाडीत शिक्रापूरचा कचरा टाकण्यास विरोध
बुरुंजवाडी, ता. 18 नोव्हेंबर 2018: शिक्रापूरचा कचरा डेपो येथे होऊ देणार नाही, असा जाहीर निर्णय सरपंचांनी तहसीलदार, गटविकास अधिकारी यांच्याकडे नुकताच कळविला. बुरुंजवाडीच्या हद्दीत गट नं. 358 मध्ये शिक्रापूरच्या शिवेजवळ शिक्रापूर ग्रामपंचायतीच्या कचरा प्रकल्पाचे काम प्रस्तावित आहे. बुरुंजवाडी, पद्मावतीवस्ती, पिंपळे- धुमाळ आदी गावांच्या शिवेवर हा कचरा डेपो असल्याने या भागात दुर्गंधी व आरोग्याची समस्या उद्‌भवण्याचा संभव आहे.

पुणे-टाकळी भिमा एसटी सुरू करण्याची मागणी
तळेगाव ढमढेरे, ता. 16 नोव्हेंबर 2018: पुणे ते टाकळी भिमा एसटी सुरू करण्याची मागणी ग्रामपंचायत सदस्य उमेश काळे व ग्रामस्थांनी राज्य परिवहन महामंडळाकडे केली आहे. शिवाजीनगर आगाराची एसटी पुणे ते शिरूर तालुक्यातील टाकळी भिमा पर्यंत सुरू केल्यास टाकळी भिमासह विठ्ठलवाडी, धानोरे, भोसे वस्ती, भीमा सेत, डिंग्रज वाडी, पुनर्वसन गावठाण आदी गावांतील प्रवाशांची सोय होणार आहे. या सर्व गावांची मिळून लोकसंख्या सुमारे २० हजाराच्या पुढे आहे. परंतु, कायमस्वरूपी एसटीची सोया नसल्याने येथील विद्यार्थी, महिला, शेतकरी, व्यापारी यांची पुण्याला जाणे येणेसाठी प्रचंड गैरसोय होत आहे. यापूर्वी शिवाजी नगर(पुणे)ते टाकळी भिमा एसटी तत्कालीन विधानसभा अध्यक्ष दिलीप वळसे पाटील यांच्या आदेशानुसार सुरू करण्यात आली होती. मात्र. कोणतीही पूर्वसूचना न देता ही एसटी मध्यंतरीच्या काळात बंद केल्याने प्रवाशांची प्रचंड गैरसोय होत आहे. त्यामुळे तातडीने या मार्गावर एसटी सुरू करण्याची मागणी निवेदनाद्वारे करण्यात आली आहे. पुणे ते टाकळी भीमा ही नव्याने एसटी सुरू होईपर्यंत पुणे ते हंगेवाडी ही सध्या तळेगाव ढमढेरे मार्गे सुरू असलेली एसटी कोरेगाव भीमा, पुनर्वसन गावठाण, धानोरे, विठ्ठलवाडी, टाकळी भीमा, न्हावरे या मार्गाने वळविण्याची मागणीही राज्य परिवहन महामंडळाकडे काळे यांनी केली आहे.

दहीवडीत धोकादायक अवस्थेत फ्यूज पेटी
Image may contain: outdoorदहिवडी, ता. 15 नोव्हेंबर 2018: तळेगाव ढमढेरे-न्हावरे रस्त्यालगत दहिवडी येथे असलेल्या फ्यूज पेटीची दुरावस्था झाली असून ती धोकादायक अवस्थेत आहे. दहिवडी (ता. शिरूर) येथे डबल पोलवर रोहित्राच्याखाली बसविलेली फ्यूज पेटी जमिनीपासून फक्त दोन ते तीन फूट अंतरावर धोकादायक अवस्थेत आहे. पेटीच्या बाहेरील बाजूस लाकडी फळी वरती देखील फ्यूज बसवलेले आहेत. फ्यूज व पेटी पूर्णपणे उघड्या अवस्थेत आहेत. फ्यूज बेसमध्ये  उघड्या तारा टाकलेल्या असल्याने मोठा अपघात होण्याची शक्यता निर्माण झाली आहे. परिसरात लहान मुले खेळत असल्याने शॉक लागण्याचाही धोका संभवतो. त्यामुळे महावितरण ने नवीन सुरक्षित  फ्यूज पेटी बसविण्याची मागणी परिसरातील नागरिकांनी केली आहे.

कासारीतील गरजू शेतकऱ्यांना औषध फवारणी यंत्रांचे वाटप
Image may contain: 9 people, people standing
कासारी, ता. 1 नोव्हेबर 2018 (एन.बी. मुल्ला) : कोहीजन फाऊंडेशनच्या वतीने गरजू शेतकऱ्यांना औषध फवारणी यंत्रांचे वाटप करण्यात आले. या कार्यक्रमात १४ व्या वित्त आयोगातून ग्रामपंचायतीने जिल्हा परिषद शाळाना पोषन आहारासाठी भांडी दिली. अंगणवाडीतील मुलांना गणवेश व पोषन आहार तसेच स्तनदा माताना पोषन आहार वाटपही करण्यात आले. या कार्यक्रमात गुणवंत विदयार्थीना शिष्यव़त्ती, अपंगाना धनादेश वाटप तसेच ग्रामपंचायत कर्मचारी, आशा वर्कर अंगणवाडी सेविका, मदतनीस याना दीवाळी फराळ व भाऊबिजही मान्यवरांच्या हस्ते देण्यात आली.

चिंचोली मोराची येथे हंडामोर्चा
चिंचोली मोराची, ता. 23 ऑक्टोबर 2018: शिरूर तालुक्यातील विविध गावांमध्ये पाण्याचा प्रश्न निर्माण होऊ लागला आहे. मोरांच्या अस्तित्वामुळे कृषी पर्यटन असणाऱ्या गावच्या पाणी प्रश्नाकडे ग्रामपंचायत प्रशासन दुर्लक्ष करीत येथील महिला व ग्रामस्थांनी हंडा मोर्चा काढला. संबंधित व्हिडिओ सोशल मीडियावर व्हायरल झाला आहे. चिंचोली मोराची गावातील जनतेसाठी गणेगाव खालसा येथे विहीर घेऊन चासकमान उजव्या कालव्यापासून पाइपलाइन करण्यात आली आहे. येथून आलेले पाणी थेट विहिरीत न सोडता तलावात सोडलेले आहे. त्या ठिकाणी सोडलेले पाणी येथील विहिरीत पाझरत आल्यावर गावाला पाणीपुरवठा केला जातो. या पाइपलाइनवर मोठ्या प्रमाणात गळती असल्याने पुरेशा दाबाने पाणीपुरवठा होत नाही. दोन किंवा चार दिवसांनी गावातील नागरिकांना दोन किंवा चार हांडे पाणी मिळते. येथील प्रशासनाचे पाणी पुरवठ्यावर नियंत्रण नाही, अशी तक्रार कमलताई नानेकर, नीता नानेकर, सोनल नानेकर, आनंदा नानेकर, दत्ता करंजकर, राहुल नानेकर यांनी अर्जाद्वारे दिली आहे.


Comment Box is loading comments...

संबंधित बातम्या