प्रेमप्रकरणातून दिवसाढवळ्या आरोपीने तरुणावर चाकूने केले सपासप वार

बुलढाणा: बुलढाणा येथे एक धक्कादायक घटना उघडकीस आली आहे. आरोपीने काही साथीदारांच्या मदतीने एका तरुणावर चाकूने सपासप वार केले. ही घटना बुलढाणा शहरातील चिखली रोड येथील हॉटेल ग्रीन लीफ येथे 1 ऑगस्ट रोजी घडली आहे. मृत्यू झालेल्या निष्पाप तरुणाचे सीन सुरेश जाधव (वय 19) असे नाव आहे. दरम्यान, या प्रकरणात पोलिसांनी 6 जणांवर गुन्हे दाखल केले आहेत. आरोपीने केलेल्या खूनाचं कारण आता समोर आलं आहे.

नेमकं काय घडल

घडलेल्या घटनेनुसार, बुलढाणा शहरातील चिखली रोड येथील हॉटेल ग्रीन लीफ येथे आरोपी देवराज माळी आपल्या साथीदारांना सोबत घेऊन आला होता. तिथेच सुरेश जाधव त्याच ठिकाणी उपस्थित होता. त्याच वेळी ही घटना घडली. संबंधित प्रकरणाचे सीसीटीव्ही फुटेज आता समोर आले आहेत. त्यामुळे ही घटना आता उघडकीस आली आहे.

हल्लेखोर देवराजने सनीला पाहिल्यानंतर त्याने आपल्या कंबरेतून धारदार चाकू काढला आणि सुरेश जाधववर हल्ला केला केल्यानंतर तो जखमी झाला. अशातच सुरेश जाधवचा मृत्यू झाला. हत्येदरम्यान, घडलेली ही घटना सीसीटीव्ही कॅमेऱ्यात कैद झाली आहे.

बुलढाणा पोलिसांनी आज तकशी साधला संवाद

बुलढाणा पोलीस ठाण्याचे अधिकारी रवी राठोड यांनी आज तक या प्रसारमाध्यमाने माहिती दिली की, ज्याने हत्या केली त्या तरुणाचे एका तरुणीशी प्रेमसंबंध होते. त्याचे आधीच संबंधित तरुणीशी ब्रेकअप झालं. त्यानंतर मृत्यू झालेल्या सनी जाधव आणि तरुणींचं एकमेकांशी प्रेमसंबंध होते. याबाबतची माहिती आरोपी देवराजला कळाल्याने त्याने आपल्या साथीदारांच्या मदतीने सनी जाधवची हत्या केली. संबंधित प्रकरणात पोलिसांनी मुख्य आरोपीसह 3 साथीदारांना एकूण 4 लोकांना अटक केली असून पोलीस पुढील प्रकरणाचा तपास करत आहेत.