पुणे नगर महामार्गाव अपघातग्रस्ताला मदतीच्या बहाण्याने दुचाकी लंपास…

शिक्रापूर (शेरखान शेख): कोरेगाव भीमा (ता. शिरुर) येथील पुणे नगर महामार्गावर किरकोळ अपघात झालेल्या व्यक्तीला मदत करण्याचा बहाणा करत दोघांनी सदर अपघातग्रस्त व्यक्तीची दुचाकी लांबवल्याची घटना घडल्याने शिक्रापूर पोलिस स्टेशन 2 अज्ञात व्यक्तीवर गुन्हे दाखल करण्यात आले आहे.

कोरगाव भीमा (ता. शिरुर) येथील पुणे नगर महामार्गावरून रमेश फणसे हे त्यांच्या ताब्यातील एम एच १४ एम आर २०१६ या दुचाकीहून चाललेले असताना फणसे रस्त्याच्या कडेला घसरुन त्यांची दुचाकी रस्त्याचे खाली गेली, दरम्यान फणसे दुचाकी वर घेत असताना 2 अज्ञात युवक तेथे आले त्यांनी फणसे यांना मदत करत दुचाकीवर घेण्याचा बहाणा केला. तसेच दुचाकीवर घेतल्यानंतर दोघे युवक फणसे यांची दुचाकी घेऊन पळून गेले.

याबाबत रमेश बबनराव फणसे (वय ५७) रा. जातेगाव बुद्रुक (ता. शिरुर) जि. पुणे यांनी शिक्रापूर पोलीस स्टेशन येथे फिर्याद दिली असल्याने शिक्रापूर पोलिसांनी 2 अनोळखी युवकांवर गुन्हे दाखल केले असून सदर गुन्ह्याचा पुढील तपास पोलीस निरीक्षक हेमंत शेडगे यांच्या मार्गदर्शनाखाली पोलीस नाईक कल्पेश राखोंडे हे करत आहे.