शिरूर एसटी स्टॅण्डवर बसमध्ये चढताना चोरट्याने मारला डल्ला…

शिरूर (अरुणकुमार मोटे): शिरूर येथील बसस्थानक परिसरात एसटी बसमध्ये चढत असताना गर्दीचा फायदा घेवून सुमन रघूनाथ आमराळे (रा. कुरुळी ता. शिरूर) या महिलेचे तिच्या गळ्यातील एक तोळा वजनी असलेली सोन्याची पानपोत त्यास दोन शिपले व पाव सोन्याचे मनी असलेले अंदाजे ३५,००० रुपये किमतीचे दागिणे अज्ञात चोरट्याने चोरून नेले आहेत.

सुमन रघूनाथ आमराळे यांनी चोरट्याविरुद्ध शिरूर पोलिस स्टेशनमध्ये रितसर फिर्याद दाखल केली आहे. याबाबतचा अधिक तपास पोलिस नाईक जगताप हे करत आहे.

शिरूर शहरात दसऱ्याच्या निमित्ताने सोने, कपडे, किराणा खरेदीसाठी ग्रामीण भागातून नागरीक मोठया प्रमाणावर येत आहे. या गर्दीचा फायदा उठवून चोरटे डल्ला मारत आहे. महिलांनी आपआपले दागिणे व्यवस्थित सांभाळावे, असे आवाहन शिरूर पोलिसांकडून करण्यात आले आहे.