तळेगाव ढमढेरेतील घरातून टीव्ही सह साहित्य चोरी

शिक्रापूर (शेरखान शेख): तळेगाव ढमढेरे (ता. शिरुर) येथील एका व्यक्तीच्या फार्म हाउसच्या दरवाजाचे कुलूप तोडून चोरट्यांनी घरातील साहित्य चोरून नेल्याची घटना घडली असल्याने शिक्रापूर पोलीस स्टेशन येथे अज्ञात चोरट्यावर गुन्हे दाखल करण्यात आले आहे.

तळेगाव ढमढेरे (ता. शिरुर) येथील चोवीसवा मैल येथे ओमप्रकाश जाधव यांनी फार्म हाउस बांधलेले असून ते पुणे येथे नोकरीला आहेत. मात्र शनिवार रविवारी ते त्यांच्या फार्म हाउसवर येत असतात नेहमीप्रमाणे जाधव हे १६ ऑक्टोबर रोजी त्यांच्या फार्म हाउसवर आले असता त्यांना दरवाजा उघडा असल्याचे दिसले. त्यामुळे त्यांनी घरात पाहिले असता चिखलाचे पाय उमटल्याचे दिसले. त्यामुळे त्यांनी घरात पाहणी केली असता घरातील टीव्ही, सिलेंडर, गॅस शेगडी सह काही साहित्य चोरीला गेल्याचे दिसून आले.

याबाबत ओमप्रकाश रघुनाथ जाधव (वय ५४) सध्या रा. आंबेडकर चौक वारजे पुणे यांनी शिक्रापूर पोलीस स्टेशन येथे फिर्याद दिली असल्याने शिक्रापूर पोलिसांनी अज्ञात चोरट्यावर गुन्हे दाखल केले असून सदर गुन्ह्याचा पुढील तपास पोलीस निरीक्षक हेमंत शेडगे यांच्या मार्गदर्शनाखाली पोलीस हवालदार अमोल चव्हाण हे करत आहे.