पुणे: पुण्यातून एक धक्कादायक घटना उघडकीस आली आहे. पुण्याच्या एरंडवणे भागात एका व्यक्तीने त्याच्या गर्भवती पत्नीला बेदम मारहाण केली. या मारहाणीत पत्नीचा गर्भपात झाल्याचे समोर आले आहे. या प्रकरणात पत्नीच्या तिच्या पतीच्या विरोधात अलंकार पोलीस स्थानकामध्ये गुन्हा दाखल करण्यात आला आहे.
मिळालेल्या माहितीनुसार, आरोपी रवी (वय ३५ वर्षे, राहणार एरंडवणे) याची पत्नी सात महिन्यांची गर्भवती होती. रवी त्याच्या पत्नीच्या चारित्र्यावर नेहमी संशय घेत असे. रवी त्याच्या पत्नीचा सतत छळ करत असे. रविवारी (२० जुलै) रात्री साडेअकराच्या सुमारास रवीने त्याच्या पत्नीला त्रास द्यायला सुरुवात केली. त्याने पत्नीला मारहाण केली, या मारहाणीत पत्नीचा गर्भपात झाला.
रवीने त्याच्या पत्नीच्या चारित्र्यावर संशय घेत तिला मारहाण केली. पत्नीच्या पोटावर जोरात ठोसा मारला. शिवीगाळ करत तिचे केस धरुन फटफटत नेले. मारहाणीदरम्यान तिच्या पोटातून रक्तस्त्राव व्हायला सुरुवात झाली. त्यानंतर जखमी पत्नीला ससून रुग्णालयामध्ये दाखल करण्यात आले. रुग्णालयात उपचारादरम्यान मारहाणीमुळे गर्भपात झाल्याचे वैद्यकीय तपासात समोर आले. या प्रकरणामुळे परिसरात खळबळ उडाली आहे.
पुण्यातील सासवड-नारायणपूर रस्त्यावर भिवडी येथील चौधरी वस्तीजवळ एक भीषण अपघात घडला. डिझेल टँकरने दुचाकीला जबर धडक दिल्याने दुचाकीचा अक्षरशः चुराडा झाला. या अपघातात दुचाकीवरील दोघांचा घटनास्थळीच मृत्यू झाला. या दुर्दैवी घटनेने परिसरात हळहळ व्यक्त केली जात आहे.
शिक्रापुर (अक्षय टेमगिरे) शिरुर तालुक्यातील कोंढापुरी येथे आज बुधवार (दि २१) रोजी सकाळी सातच्या सुमारास…
श्रीगोंदा (विशेष प्रतिनिधी) घोड धरणाच्या बॅकवॉटरमध्ये गेल्या पाच वर्षांपासून रात्रंदिवस बेकायदशीर वाळू उपसा सुरु असून,…
शिरुर (तेजस फडके) शिरुर तालुक्यातील सरदवाडी येथील राजहंस लॉजमध्ये महिलेकडून वेश्याव्यवसाय करवून घेतला जात असल्याची…
मुंबई: राज्यातील दुष्काळाच्या पार्श्वभूमीवर शिवसेनेने यंदाचा दसरा मेळावा संकटग्रस्त शेतकऱ्यांना समर्पित केला आहे. गोरेगाव येथील…
धाराशिव जिल्ह्यातील पाणी, चारा टंचाईवर उपाययोजनांच्या प्रभावी अंमलबजावणीचे डॉ. राजेश देशमुख यांचे निर्देश धाराशिव: जिल्ह्यातील…
मुंबई: बॉलीवूड अभिनेता टायगर श्रॉफ याच्या गाडीवर आज संध्याकाळी अज्ञात हल्लेखोरांनी हल्ला केल्याची घटना घडली. या…