शाहरुख खानच्या ‘जवान’ चित्रपटातील ॲक्शन सीनचे शूटिंग होणार…

मुंबई: अभिनेता शाहरुख खानच्या ‘जवान’ या चित्रपटाचे शूटिंग बिडकीन येथील ‘ डीएमआयसी’त होणार असून ‘जवान’ हा एक ॲक्शनपट आहे जून २०२३ मध्ये तो रिलीज होणार आहे.

सध्या हा पिक्चर सध्या निर्मिती प्रक्रियेत असून पुणे, हैदराबाद, मुंबई, चेन्नई येथे शूटिंग होणार आहे. मात्र, चित्रपटातील भरधाव गाड्यांचा थरार शूट करण्यासाठी या मेट्रो शहरात जागा नसल्याने औरंगाबाद नजीकच्या बिडकीनची निवड करण्यात आली आहे. त्यासाठी गेल्या दोन महिन्यांपासून शाहरुख खानच्या ‘रेड चिली प्रॉडक्शन’चे अधिकारी प्रयत्नशील होते. अखेर त्यांना चित्रिकरणासाठी परवानगी मिळाली असून सर्व यंत्रणा चित्रीकरणस्थळी पोहोचली आहे.

शाहरुख येणार की नाही?

मिळालेल्या माहितीनुसार ‘बॉडी डबल’च्या माध्यमातून ॲक्शन सीनचे शूटिंग करण्यात येणार असल्याचे समजते. परदेशातील काही ॲक्शन कलाकारही यात सहभागी होणार असून गर्दीला ताब्यात ठेवण्यासाठी तगडा पोलिस बंदोबस्त ठेवण्यात आला आहे. शिवाय शूटिंग खूप आतमध्ये असल्याने डीएमआसीतील सर्व अंतर्गत रस्ते बंद करण्यात आले आहेत.