शिरुरसह श्रीगोंदा तालुका हादरला…शिरुर-श्रीगोंदा शिवेवर तरुणाचा निर्घुण खून

शिरुर (अरुणकुमार मोटे) बीडच्या मस्साजोग नंतर शिरुर आणि श्रीगोंदा तालुक्याच्या शिवेवर निर्घुण खून झाला असून यात एका तरुणाचे शीर धडा वेगळे ,दोन हात ,एक पाय तोडला असुन एक पाय अर्धवट तोडलेला मृतदेह आळढून आल्याने शिरुरसह श्रींगोदा तालुक्यातही मोठी खळबळ उडाली आहे.

 

याबाबत खात्रीलायक सुत्रांच्या माहितीनुसार शिरुर व श्रीगोंदा तालुक्याच्या शिवेवर दाणेवाडी (ता. श्रीगोंदा) या ठिकाणी १८ ते २२ वयाच्या अनोळखी तरुणाचा मृतदेह विहिरीमध्ये आढळून आला आहे. या मृतदेहाचे शीर, दोन हात ,व एक पाय नसल्याचे दिसुन आले आहे. तर एक पाय कापण्याचा प्रयत्न केला असल्याच्या खुणाही आढळून आल्या आहेत. हा मृतदेह शिरुर येथुन दाणेवाडी येथील शिरुर येथे शिक्षण घेणाऱ्या तरुणाचा असल्याचा संशय त्यांच्या नातेवाईकांनी व्यक्त केला आहे.

 

या मृतदेहाचे शीर दोन्ही हात व पाय अद्याप सापडलेला नाही. त्यामुळे हा मृतदेह नक्की कोणाचा याबाबत शंका-कुशंका सुरु असुन दानेवाडी (ता .श्रीगोंदा) येथील माऊली सतिश गव्हाणे हा १९ वर्षीय महाविद्यालयीन तरुण ७ मार्च २०२५ पासुन बेपत्ता असल्याचे त्याचे चुलते परशुराम गव्हाणे यांनी सांगितले. याबाबतची मिसिंगची फिर्याद त्याचा भाऊ अविनाश सतीश गव्हाणे यांनी शिरुर पोलीस स्टेशन येथे दिली आहे. परंतु हा मृतदेह नक्की त्या तरुणाचा आहे की आणखी कोणाचा याबाबत अजुनही शंका आहे.

 

शिरुर पोलीस स्टेशन येथे आज (दि १२) रोजी मिसिंग तरुणाचे कुटुंबीय व नातेवाईक यांनी शिरुर पोलीस स्टेशनचे पोलीस निरीक्षक संदेश केंजळे यांची भेट घेतली असुन दाणेवाडी येथे सापडलेला मृतदेह हा त्यांच्यात मुलाचा असू शकतो परंतु मृतदेहाचे शीर, दोन्ही हात, उजवा एक पाय नसलेला, डावा पाय अर्धा तुटलेला अवस्थेत सापडल्याने कुटुंबही द्विधा मनस्थिती मध्ये आहे.

 

सदर मिसिंग युवकाबाबत चौकशी सुरु असुन सीसी टीव्ही कॅमेऱ्याचे फुटेज जमा करण्याचे काम सुरु आहे. दाणेवाडी येथील मृतदेह बाबत माहिती गोळा करण्याचे काम आहे सुरु असुन शिरुर पोलीस स्टेशन, पुणे ग्रामीण गुन्हे अन्वेषण विभाग, श्रीगोंदा पोलीस, अहिल्यानगर गुन्हे अन्वेषण विभागाची पथके तपासासाठी रवाना झाली आहे.

    संदेश केंजळे, 

            पोलीस निरीक्षक (शिरुर)