दोन्ही हात एकमेकांवर घासणे

हिवाळ्यात अनेक जण दोन्ही हात एकमेकांना घासतात. हिवाळ्यात ही कॉमन बाब आहे. तसेच जर कुणाला चक्कर आली तर त्यांचेही हात किंवा पाय घासले जातात. पण यामागचं वैज्ञानिक कारण काय आहे? जाणून घेऊया हातांचे बोटे एकमेकांवर घासल्याने होणारे फायदे.

ब्लड सर्कुलेशन वाढत: जेव्हा आपण तळहात एकमेकांवर घासतो तेव्हा ब्लड सर्कुलेशन वाढतं, ज्यामुळे शरीराला एनर्जी मिळते. तसेच यामुळे चांगलंही वाटतं. अशात दैनंदिन जीवनातील कामे करण्यासही काही समस्या येत नाही.

डोळ्यांना फायदा: दोन्ही हात एकमेकांवर घासल्याने डोळ्यांनाही फायदा मिळतो. हातांच्या उष्णतेमुळे डोळ्यांवर पडणारा तणाव कमी होतो. याने डोळ्यांच्या आजूबाजूला रक्तप्रवाह वाढतो. थकलेल्या डोळ्यांना आराम मिळतो. यासाठी सुरूवातीला हाताला हळूहळू रब करा आणि नंतर स्पीड वाढवा. जेव्हा हातात उष्णता येईल तेव्हा ते काही सेकंदासाठी डोळ्यांवर ठेवा, याने डोळ्यांना आराम मिळतो.

तणाव दूर होईल: हात एकमेकांवर घासल्याने आपल्या मानसिक आरोग्यालाही फायदे मिळतात. कारण याने मेंदू शांत होतो आणि त्याला आराम मिळतो. तसेच मेंदुची क्रियाही योग्य राहते. याने सकारात्मक वाटू लागतं. सकाळी उठल्यावर हॅंड रबिंग कराल तर तणाव मुक्त झाल्या सारखं वाटेल.

हिवाळ्यात फायदा: हिवाळ्यात हात नेहमीच थंड होतात. थंडी घालवण्यासाठी अनेक जण हात एकमेकांवर घासतात. असं केल्याने हातात आणि शरीरात उष्णता निर्माण होते. हिवाळ्यात थंड हवेमुळे बोटंही आखडली जातात. अशात हात घासल्याने स्नायू सक्रिय होतात आणि बोटांना आराम मिळतो.

(सोशल मीडियावरून साभार)