महापालिका निवडणूकांसाठी नियमावली लवकर जाहीर करण्याची काँग्रेसची मागणी मान्य

मुंबई: दि. १ डिसेंबर २०२५ रोजी राजकीय पक्ष प्रतिनिधींसोबत महाराष्ट्र राज्य निवडणूक आयुक्त यांनी बैठक आयोजित केली होती. सदर बैठकीत नगर परिषद व नगर पंचायत निवडणूकीत सुस्त असलेल्या आयोगाने अनेक आदेश निवडणूकीच्या दोन दिवसापर्यंत काढले. त्यामुळे अनेक ठिकाणी संभ्रम निर्माण झाले. या पार्श्वभूमीवर महापालिका निवडणूकासाठी नियमावली लवकर जाहीर करण्याची मागणी मी काँग्रेस पक्षातर्फे बैठकीत केली.

अधिकारी व उमेदवार , मतदान प्रतिनिधी, मतगणना प्रतिनिधी यांच्यासाठी स्वतंत्र नियमावली माहिती पुस्तिका लोकसभा व विधान सभा निवडणूकीच्या वेळी प्रकाशित करण्यात आल्या होत्या. यंदा VVPAT नसल्याने मतदानाच्या दिवशी कार्यप्रणालीत काही बदल होतील.त्यामुळेच नवीन नियम जाहीर करणे आवश्यक आहेत. (न्यायालयाचा आदेश ही आला)

लोकसभा व विधानसभा निवडणुकीत ज्याप्रमाणे लेखा प्रतिनिधी( Account Agent) ची नियुक्तीची परवानगी होती तशी परवानगी महापालिका निवडणुकीत द्यावी अशी मागणी मी केली. २०१७ मध्ये सर्व्हर डाऊन झाल्याने अनेक उमेदवारांचे अर्ज व प्रतिज्ञापत्र डाऊनलोड झाले नाहीत त्याची प्रत काढता आली नाही त्यामुळे उमेदवारी अर्ज भरता आला नाही. म्हणून २०२६ मध्ये होणाऱ्या महापालिका निवडणुकीत ऑफलाईन अर्ज स्वीकारण्याची व प्रतिज्ञापत्र सोपा करण्याची मागणी मी केली. आयोगाचे सचिव श्री.काकाणी यांनी यासंदर्भात सकारात्मक प्रतिसाद दिला.