मुंबई: महाराष्ट्राचे उपमुख्यमंत्री एकनाथ शिंदे यांच्या कार्याची आणि लोककल्याणकारी योजनांची दखल आता आंतरराष्ट्रीय पातळीवर घेण्यात आली आहे. ब्रिटनच्या संसदेत ९ आणि १० सप्टेंबर रोजी होणाऱ्या विविध कार्यक्रमांमध्ये एकनाथ शिंदे यांचा तीन पुरस्कारांनी सन्मान करण्यात येणार आहे. यासाठी उपमुख्यमंत्री शिंदे आज लंडनला रवाना झाले.
ब्रिटिश संसदेतील हाऊस ऑफ लॉर्ड्समध्ये ९ सप्टेंबर रोजी होणाऱ्या ‘कॉमनवेल्थ पब्लिक लीडरशिप रिकग्निशन’ सोहळ्यात शिंदे यांना सन्मानित करण्यात येणार आहे. त्यानंतर १० सप्टेंबर रोजी हाऊस ऑफ कॉमन्समध्ये आयोजित ‘इंटरनॅशनल कॉन्क्लेव्ह २०२६’मध्ये त्यांना ‘स्टेट्समनशिप अवॉर्ड’ देण्यात येणार आहे. तसेच लंडनच्या महाराष्ट्र मंडळातर्फे त्यांना ‘ग्लोबल प्राइड ऑफ महाराष्ट्र’ या पुरस्काराने गौरविण्यात येणार आहे.
तीन योजनांची विशेष दखल
शिंदे मुख्यमंत्री असताना आणि आता उपमुख्यमंत्री म्हणून राबवलेल्या नागरिक-केंद्री, पारदर्शक आणि नाविन्यपूर्ण प्रशासन पद्धतीची या सन्मानासाठी विशेष दखल घेण्यात आली आहे. यामध्ये ‘मुख्यमंत्री माझी लाडकी बहीण योजना’, ‘शासन आपल्या दारी’ आणि ‘मुख्यमंत्री युवा कार्य प्रशिक्षण योजना’ या तीन योजनांचा प्रामुख्याने समावेश आहे.
महिलांचे आर्थिक सक्षमीकरण, नागरिकांना शासकीय सेवा थेट उपलब्ध करून देणे तसेच तरुणांना कामाचा अनुभव आणि रोजगाराच्या संधी उपलब्ध करून देण्याच्या उद्देशाने या योजना राबवण्यात आल्या आहेत.यूके एशियन बिझनेस कौन्सिलच्या म्हणण्यानुसार, हा सन्मान प्रशासकीय कार्यक्षमता, महिला सक्षमीकरण आणि थेट लाभ हस्तांतरण या क्षेत्रातील कामगिरीच्या आधारे देण्यात येत आहे.
ब्रिटिश संसदेत मांडणार महाराष्ट्राच्या विकासाचे व्हिजन
१० सप्टेंबर रोजी इंडो-युरोपियन बिझनेस फोरम आणि वर्ल्ड लीडरशिप फोरम यांच्या संयुक्त विद्यमाने हाऊस ऑफ कॉमन्समध्ये ‘इंटरनॅशनल कॉन्क्लेव्ह २०२६ : ग्लोबल बिझनेस अँड इन्व्हेस्टमेंट डायलॉग’ आयोजित करण्यात आला आहे. या परिषदेसाठी एकनाथ शिंदे यांना मुख्य अतिथी म्हणून निमंत्रित करण्यात आले आहे.
या आंतरराष्ट्रीय व्यासपीठावर शिंदे हे महाराष्ट्राच्या विकासाचे व्हिजन आणि भारत-यूके आर्थिक संबंधांबाबत मार्गदर्शन करणार आहेत. नगरविकास, गृहनिर्माण आणि पायाभूत सुविधा क्षेत्रातील महाराष्ट्राच्या कामगिरीबाबतही ते आपले विचार मांडणार आहेत.
या कार्यक्रमांना ब्रिटिश संसद सदस्य, वरिष्ठ मंत्री, महापौर, विविध देशांचे राजदूत, जागतिक उद्योजक आणि कॉमनवेल्थ देशांतील मान्यवर उपस्थित राहणार आहेत. या दौऱ्यामुळे महाराष्ट्र आणि ब्रिटनमधील व्यापार, उद्योग आणि गुंतवणुकीच्या संबंधांना चालना मिळण्याची अपेक्षा व्यक्त करण्यात आली आहे.
लंडनच्या महाराष्ट्र मंडळातही होणार गौरव
लंडन दौऱ्यात उपमुख्यमंत्री शिंदे महाराष्ट्र मंडळाच्या महाराष्ट्र भवनालाही भेट देणार आहेत. सुमारे ९४ वर्षांचा इतिहास असलेल्या महाराष्ट्र मंडळात त्यांच्या सामाजिक आणि आर्थिक योगदानाबद्दल ‘ग्लोबल प्राइड ऑफ महाराष्ट्र’ पुरस्काराने सन्मान करण्यात येणार आहे.यावेळी ‘मुख्यमंत्री माझी लाडकी बहीण योजना’ यांसह महाराष्ट्राच्या सामाजिक आणि आर्थिक उन्नतीसाठी केलेल्या कामाचा विशेष उल्लेख केला जाणार आहे.
११५ कोटींच्या मालमत्ता जप्तीला शासनाची मंजुरी; ९८ जणांवर गुन्हे, हजारो गुंतवणूकदारांचे पैसे परत मिळण्याची प्रतीक्षा…
न्हावरे (अक्षय टेमगिरे) शिरुर तालुक्यात अवैध दारु विक्रीला आळा घालण्यासाठी शिरुर पोलिसांनी दोन वेगवेगळ्या ठिकाणी…
शिरुर (तेजस फडके) शिरुर तालुक्यात जागेच्या वादातून तसेच शेळ्या-मेंढ्या चारण्याच्या कारणावरुन मारहाणीच्या दोन स्वतंत्र घटना…
शिरुर (तेजस फडके) शिरुर पोलीस स्टेशनच्या हद्दीत वीजमीटरमध्ये छेडछाड करुन वीजचोरी केल्याप्रकरणी दोन स्वतंत्र गुन्हे…
शिरूर (तेजस फडके) : शिरुर तालुक्यात दुष्काळाच्या झळांनी शेतकरी होरपळत असताना घोड धरणातील पाणीसाठा टिकविण्याच्या…
शिरुर (तेजस फडके): शिरुर तालुक्यात एकीकडे दुष्काळात शेतकरी होरपळत असताना दुसरीकडे विजेच्या तारांच्या शॉर्टसर्किट मुळे…