वाघोली: महाराष्ट्र राज्य आंतर महाविद्यालयीन तंत्रनिकेतन क्रीडा स्पर्धा (IEDSSA 2026) मध्ये (JSPM) जेएसपीएम भिवराबाई सावंत पॉलिटेकनिक, वाघोलीच्या विद्यार्थ्यांनी नेत्रदीपक कामगिरी करत एकाच दिवसात तब्बल ९ पदके जिंकण्याचा ऐतिहासिक विक्रम प्रस्थापित केला आहे. या अभूतपूर्व यशामुळे संपूर्ण शैक्षणिक व क्रीडा क्षेत्रात संस्थेचा नावलौकिक झाला आहे.
दि २३ जानेवारी २०२६ रोजी ‘समर्थ पॉलिटेकनिक’, बेल्हे येथे पार पडलेल्या या राज्यस्तरीय स्पर्धेत राज्यभरातील नामांकित तंत्रनिकेतन संस्थांमधील खेळाडूंनी सहभाग घेतला होता. या कठीण आणि चुरशीच्या स्पर्धेत जेएसपीएम भिवराबाई सावंत पॉलिटेकनिकच्या खेळाडूंनी आपली गुणवत्ता, मेहनत आणि जिद्द सिद्ध करत घवघवीत यश संपादन केले.
धावपटूंनी गाजवल मैदान…
रिले व वैयक्तिक प्रकारांत पदकांची लयलूट करताना रिले स्पर्धेत महाविद्यालयाच्या मुलींच्या संघाने उत्कृष्ट सांघिक समन्वय दाखवत द्वितीय क्रमांक पटकावला. या संघामध्ये
शुभांगी केंद्रे, रोशनी गायकवाड, दुर्गा काळुरे आणि वैष्णवी खुले या विद्यार्थिनींचा समावेश होता.इलेक्ट्रॉनिक्स अँड टेलिकम्युनिकेशन विभागाची विद्यार्थिनी शुभांगी केंद्रे हिने आपल्या अष्टपैलू क्रीडा कौशल्याने सर्वांचे लक्ष वेधून घेतले. तिने
लांब उडी- प्रथम क्रमांक,
१०० मीटर धावणे- द्वितीय क्रमांक,
२०० मीटर धावणे- द्वितीय क्रमांक
अशी दैदीप्यमान कामगिरी करत एकाच स्पर्धेत अनेक पदकांवर आपले नाव कोरले.
विद्युत विभागाचा विद्यार्थी शुभम आराख याने सहनशक्ती आणि वेग यांचा उत्तम मेळ साधत ४०० मीटर धावणे- प्रथम क्रमांक तसेच ८०० मीटर धावणे- प्रथम क्रमांक पटकावत दुहेरी सुवर्णपदकाची कमाई केली. तसेच समीक्षा अभंग- उंच उडी (द्वितीय क्रमांक), सत्यजित केसवड- तिहेरी उडी (द्वितीय क्रमांक) यांनीही पदके जिंकत संस्थेच्या यशात मोलाची भर घातली.
संस्थेच्या यशामुळे मान्यवरांचा अभिनंदनाचा वर्षाव…
या ऐतिहासिक यशाबद्दल संस्थेचे संस्थापक सचिव प्रा डॉ तानाजी सावंत, उपाध्यक्ष गिरीराज सावंत आणि विश्वस्त ऋषीराज सावंत यांनी विजेत्या विद्यार्थ्यांचे मनःपुर्वक अभिनंदन केले.वाघोली संकुलाचे संकुल संचालक डॉ. वसंत बुगडे, सहसंचालक एस. के. वाकचौरे आणि प्राचार्य डॉ प्रदीप काळे यांनीही विद्यार्थ्यांच्या कामगिरीचे विशेष कौतुक करत भविष्यातील वाटचालीसाठी शुभेच्छा दिल्या.
मार्गदर्शक प्राध्यापकांचे मोलाचे योगदान
या यशामागे महाविद्यालयाच्या प्राध्यापक व क्रीडा विभागाच्या सातत्यपूर्ण मार्गदर्शनाचा मोठा वाटा असल्याचे नमूद करण्यात आले.शैक्षणिक गुणवत्तेसोबत क्रीडा क्षेत्रातही जेएसपीएम भिवराबाई सावंत पॉलिटेकनिकची भक्कम घोडदौड सुरु असल्याचे या यशाने पुन्हा एकदा सिद्ध झाले आहे.
JSPM च्या डीन डॉ वैशाली दाभाडे, विभागप्रमुख प्रा नामदेव भुतेकर,प्रा संदीप पोखरकर, सोनाली गायकवाड, मोनिका काश्मिरे, डॉ महेश यादव, प्रा दत्तात्रय शिंदे, विनायक मस्के,क्रीडा प्रमुख प्रा राहुल डावखर, क्रीडा सहाय्यक प्रा महेश वाघमोडे, प्रा सागर गायकवाड, प्रा आविष्कार शिंदे, प्रा स्नेहल कणसे आणि अतुल कवठे यांच्या मार्गदर्शनामुळेच हे यश शक्य झाल्याने त्यांच्यावर सगळीकडून कौतुकाचा वर्षाव होत आहे.
शिरुर (तेजस फडके): न्हावरे (ता. शिरुर) येथील शेंडगेवस्ती परिसरात एका २३ वर्षीय विवाहित महिलेला फोनवर…
मुंबई: लोकशाहीमध्ये कोणत्याही नेत्याची खरी ओळख सत्ता किंवा पदावरून नव्हे, तर जनतेच्या विश्वासावरून ठरते. हा…
सार्वजनिक मालमत्तेचे १ लाख ३१ हजार ७५० रुपयांचे नुकसान; एकाविरुद्ध शिरूर पोलिस ठाण्यात गुन्हा शिरुर…
बोगस विद्यार्थी, बनावट शिक्षक मंजुरी, कोरे धनादेश आणि स्टॅम्प पेपर जप्त; मालेगाव-पुण्यापर्यंत तपासाचे धागेदोरे परभणी:…
मुंबई: राज्यात दुधातील भेसळीच्या वाढत्या प्रकारांमुळे नागरिकांच्या आरोग्याचा प्रश्न गंभीर बनला आहे. अन्न व औषध…
मुंबई: भारत आणि युनायटेड किंगडम (यूके) यांच्यातील व्यापक आर्थिक व व्यापार करार (FTA) अंमलात आल्याने…