मुंबई: बाईक किंवा मोबाईल चोरीला गेला किंवा इतर कोणतीही घटना घडली तरी, पोलिसांकडे जाऊन तक्रार नोंदवणे कधीकधी कठीण होते. पोलिस स्टेशनला भेट देण्याची आणि एफआयआर नोंदवण्याची पारंपारिक प्रक्रिया आता अनेक राज्यांमध्ये पोलिस पोर्टलद्वारे ऑनलाइन करता येते. तुम्ही घरबसल्या ऑनलाइन एफआयआर नोंदवू शकता.
एफआयआर (FIR) म्हणजे काय?
एफआयआर म्हणजे प्रथम माहिती अहवाल, जो पोलिसांकडून गुन्ह्याची माहिती मिळाल्यानंतर नोंदवला जातो. एकदा FIR दाखल झाला की, पोलिसांना तपास सुरू करणं बंधनकारक असतं.
ऑनलाइन FIR दाखल करण्याचे फायदे
सुविधा; पोलीस स्टेशनला जाण्याची गरज नाही! घरी बसूनच FIR दाखल करू शकता.
वेळेची बचत; काही मिनिटांत FIR नोंदवा आणि कागदपत्रांचा त्रास टाळा.
पारदर्शकता; तुमचा FIR तात्काळ नोंदवला जाईल, कोणताही विलंब किंवा दुर्लक्ष होणार नाही.
ट्रॅकिंग सुविधा; तुमच्या FIR ची स्थिती ऑनलाइन ट्रॅक करा आणि अपडेट मिळवा.
ऑनलाइन FIR दाखल करण्याची स्टेप-बाय-स्टेप प्रक्रिया
स्टेप 1: महाराष्ट्र पोलिसांच्या अधिकृत वेबसाइटला भेट द्या
[https://citizen.mahapolice.gov.in/Citizen/MH/index.aspx
स्टेप 2 नोंदणी/लॉगिन करा; नवीन खाते तयार करा किंवा विद्यमान ID ने लॉगिन करा.
स्टेप 3; “FIR दाखल करा” किंवा “गुन्हा नोंदवा” पर्याय निवडा.
स्टेप 4; तुमची माहिती द्या
नाव, पत्ता, फोन नंबर घटनेची तारीख, वेळ, ठिकाण संशयितांची माहिती (असल्यास) संपूर्ण घटनाक्रम
स्टेप 5; पुरावे अपलोड करा; जर फोटो, व्हिडिओ किंवा इतर कोणतेही महत्वाचे दस्तऐवज असतील तर ते अपलोड करा.
स्टेप 6; सर्व माहिती योग्य आहे याची खात्री करा आणि “Submit” बटणावर क्लिक करा.
स्टेप 7 डिजिटल पावती मिळवा; FIR क्रमांक मिळेल, जो भविष्यात ट्रॅक करण्यासाठी उपयोगी पडेल.
स्टेप 8: FIR च्या स्थितीवर नजर ठेवा; पोर्टलवर जाऊन तुमचा FIR क्रमांक टाका आणि अपडेट्स मिळवा.
FIR दाखल करताना लक्षात ठेवण्यासारख्या गोष्टी
योग्य अधिकार क्षेत्र निवडा; चुकीच्या ठिकाणी FIR दाखल करू नका, अन्यथा तपास लांबू शकतो.
खोटा FIR नोंदवू नका; भारतीय कायद्याअनुसार खोट्या FIR साठी दंड होऊ शकतो.
सर्व गुन्हे ऑनलाइन नोंदवता येत नाहीत – जसे की गंभीर गुन्ह्यांसाठी प्रत्यक्ष पोलीस स्टेशनला भेट द्यावी लागते.
FIR नोंदवण्यासाठी आवश्यक कागदपत्रे
तक्रारदाराचे नाव आणि पत्ता
ईमेल आणि मोबाईल नंबर
आधार क्रमांक (आवश्यक असल्यास)
घटनाची तारीख, वेळ आणि ठिकाण
आरोपीची माहिती (असल्यास)
पुरावे – फोटो, व्हिडिओ किंवा कागदपत्रे
मुंबई: लोकशाहीमध्ये कोणत्याही नेत्याची खरी ओळख सत्ता किंवा पदावरून नव्हे, तर जनतेच्या विश्वासावरून ठरते. हा…
सार्वजनिक मालमत्तेचे १ लाख ३१ हजार ७५० रुपयांचे नुकसान; एकाविरुद्ध शिरूर पोलिस ठाण्यात गुन्हा शिरुर…
बोगस विद्यार्थी, बनावट शिक्षक मंजुरी, कोरे धनादेश आणि स्टॅम्प पेपर जप्त; मालेगाव-पुण्यापर्यंत तपासाचे धागेदोरे परभणी:…
मुंबई: राज्यात दुधातील भेसळीच्या वाढत्या प्रकारांमुळे नागरिकांच्या आरोग्याचा प्रश्न गंभीर बनला आहे. अन्न व औषध…
मुंबई: भारत आणि युनायटेड किंगडम (यूके) यांच्यातील व्यापक आर्थिक व व्यापार करार (FTA) अंमलात आल्याने…
छत्रपती संभाजीनगर : 'सेफ फूड – सेफ महाराष्ट्र' मोहिमेअंतर्गत अन्न व औषध प्रशासन (FDA) ने…