शिरुरमध्ये फ्लॅटच्या दरवाजाचे कुलूप तोडून चोरी

शिक्रापूर: शिरुर येथील बाबुराव नगर मधील पेराडाईज सोसायटी मध्ये राहणारे मनोहर ढमढेरे हे सायंकाळच्या सुमारास त्यांच्या फ्लॅटच्या दरवाजाला कुलूप लावून बाहेर गेले दुसऱ्या दिवशी सकाळच्या सुमारास ढमढेरे हे घरी आले असता त्यांना दरवाजाचे कुलूप तुटल्याचे दिसले. त्यामुळे त्यांनी घरात पाहणी केली असता कपाट उघडले आणि त्यातील सोन्याच्या २ अंगठ्या आणि काही रोख रक्कम चोरीला गेली असल्याचे निदर्शनास आले.

याबाबत मनोहर प्रकाश ढमढेरे (वय ३५) रा. पेराडाईज सोसायटी बाबुराव नगर शिरुर (ता. शिरुर) जि. पुणे मूळ रा. राळेगण थेरपाळ ता. पारनेर जि. अहमदनगर यांनी शिरुर पोलीस स्टेशन येथे फिर्याद दिली असल्याने शिरुर पोलिसांनी अज्ञात इसमावर गुन्हे दाखल केले असून पुढील तपास पोलीस निरीक्षक सुरेशकुमार राऊत यांच्या मार्गदर्शनाखाली पोलीस नाईक श्रीनाथ जगताप हे करत आहे.