महाराष्ट्र राज्य प्राथमिक शिक्षक समितीचा ६३ वा वर्धापनदिन उत्साहात साजरा

विद्यार्थ्यांना जीवनोपयोगी साहित्य वाटप; शिक्षक व शिक्षणाच्या प्रश्नांवर ठाम भूमिका

शिरूर (अरुणकुमार मोटे): महाराष्ट्र राज्य प्राथमिक शिक्षक समितीचा ६३ वा वर्धापन दिन शिरूर तालुक्यात उत्साहात व सामाजिक जाणीवेने साजरा करण्यात आला. या निमित्ताने शिरूर शिक्षक समितीच्या वतीने गुरुकुल अनाथ आश्रम, कासारी फाटा (संचालक शिवाजी शिंदे) येथील अनाथ मुलांना किराणा, धान्य व शैक्षणिक साहित्याचे वाटप करण्यात आले. या उपक्रमाच्या माध्यमातून ‘शिक्षक समिती’ने आपल्या सामाजिक बांधिलकीचा ठसा पुन्हा एकदा अधोरेखित केला. याप्रसंगी उपस्थित शिक्षक व पदाधिकाऱ्यांनी ‘शिक्षक, विद्यार्थी आणि शिक्षण’ यासंबंधीच्या प्रश्नांवर मार्गदर्शक विचार मांडले.

कार्यक्रमात बोलताना राज्य संघटक शहाजी पवार यांनी सांगितले की,“कै. भा.वा. शिंपी गुरुजी यांच्या नेतृत्वाखाली स्थापन झालेल्या शिक्षक समितीचा उद्देश विद्यार्थ्यांच्या गुणवत्तेला केंद्रस्थानी ठेवून शिक्षक व शिक्षणाशी संबंधित समस्या सोडवण्याचा आहे. ‘न्यायाची चाड आणि अन्यायाची चीड’ हे ब्रीद घेऊन काम करणारी शिक्षक समिती ही एक सक्षम, शिस्तबद्ध, मान्यताप्राप्त आणि विश्वासार्ह संघटना आहे. अन्याय झाला, की संघटना तत्काळ धाव घेते. कार्यक्रमाच्या अध्यक्षस्थानी तालुका अध्यक्ष शरद धोत्रे होते. यावेळी जिल्हा नेते शरद निंबाळकर, संचालक अविनाश चव्हाण, सतीश नागवडे, कैलास पडवळ यांसह अनेक पदाधिकाऱ्यांनी उपस्थित राहून मनोगत व्यक्त केले.

या सामाजिक उपक्रमात सखाराम फराटे, विष्णू चौधर, मारुती निकम, संपत कांदळकर, नामदेव गायकवाड, रमेश देशमुख, लहू चव्हाण, विश्वास साकोरे, खंडू माशेरे, अनिल जगदाळे, विकास गायकवाड, अजित रणसिंग, दादासाहेब कुदळे, रेखाताई लंघे, मालन गायकवाड, राजश्री मोटे, दिपाली पडवळ, नीता वाबळे यांच्यासह अनेक कार्यकर्त्यांचे मोलाचे सहकार्य लाभले. कार्यक्रमाच्या शेवटी तालुका नेते सुरेश शिवले यांनी उपस्थितांचे आभार मानले. शाळा, विद्यार्थी आणि समाज यांच्यातील बंध अधिक मजबूत व्हावेत या हेतूने शिक्षक समितीच्या वतीने राबवला गेलेला हा उपक्रम कौतुकास्पद ठरला.