शिक्रापूर: शिरूर तालुक्यातील सणसवाडी येथील झेनिथ बायोकेमिकल इंडस्ट्रीज प्रा. लि. कंपनीतून तब्बल ८०० लिटर डिझेल चोरी करून पुरावे नष्ट करण्यासाठी रिकाम्या बॅरलमध्ये पाणी भरून ठेवणाऱ्या दोन सराईत चोरट्यांना शिक्रापूर पोलिसांनी अटक केली आहे. या कारवाईमुळे सुमारे ७२ हजार रुपयांच्या डिझेल चोरीचा यशस्वी छडा लागला आहे.
पोलिसांनी दिलेल्या माहितीनुसार, २ जून ते १० जुलै २०२६ या कालावधीत कंपनीच्या जनरेटरजवळील बॅरलमधून ८०० लिटर डिझेल चोरीला गेले होते. चोरीचा संशय येऊ नये म्हणून आरोपींनी रिकाम्या बॅरलमध्ये पाणी भरून कंपनीची दिशाभूल करण्याचा प्रयत्न केला.
याप्रकरणी शिक्रापूर पोलीस ठाण्यात गुन्हा दाखल करण्यात आला. पोलीस निरीक्षक चंद्रशेखर यादव यांच्या मार्गदर्शनाखाली गोपनीय माहितीच्या आधारे तपास करत पोलिसांनी अक्षय प्रेमचंद देवडे (रा. शिक्रापूर) आणि अविनाश शंकर धुमाळ (रा. रांजणगाव) यांना ताब्यात घेतले. चौकशीत दोघांनीही डिझेल चोरीची कबुली दिली.
तपासात अक्षय देवडे याच्यावर यापूर्वी चोरीचे गुन्हे दाखल असल्याचे, तर अविनाश धुमाळ याच्यावर दरोड्यासह गंभीर स्वरूपाचे गुन्हे नोंद असल्याचे समोर आले आहे. चोरीस गेलेले डिझेल जप्त करण्याची प्रक्रिया सुरू असून या दोघांकडून आणखी अशाच प्रकारचे गुन्हे उघडकीस येण्याची शक्यता पोलिसांनी व्यक्त केली आहे.
ही कारवाई पुणे ग्रामीणचे पोलीस अधीक्षक संदीपसिंह गिल्ल व अपर पोलीस अधीक्षक डॉ. शुभम कुमार यांच्या मार्गदर्शनाखाली पोलीस निरीक्षक चंद्रशेखर यादव, पोलीस उपनिरीक्षक उमाकांत कुंजीर तसेच त्यांच्या पथकाने केली.
११५ कोटींच्या मालमत्ता जप्तीला शासनाची मंजुरी; ९८ जणांवर गुन्हे, हजारो गुंतवणूकदारांचे पैसे परत मिळण्याची प्रतीक्षा…
न्हावरे (अक्षय टेमगिरे) शिरुर तालुक्यात अवैध दारु विक्रीला आळा घालण्यासाठी शिरुर पोलिसांनी दोन वेगवेगळ्या ठिकाणी…
शिरुर (तेजस फडके) शिरुर तालुक्यात जागेच्या वादातून तसेच शेळ्या-मेंढ्या चारण्याच्या कारणावरुन मारहाणीच्या दोन स्वतंत्र घटना…
शिरुर (तेजस फडके) शिरुर पोलीस स्टेशनच्या हद्दीत वीजमीटरमध्ये छेडछाड करुन वीजचोरी केल्याप्रकरणी दोन स्वतंत्र गुन्हे…
शिरूर (तेजस फडके) : शिरुर तालुक्यात दुष्काळाच्या झळांनी शेतकरी होरपळत असताना घोड धरणातील पाणीसाठा टिकविण्याच्या…
शिरुर (तेजस फडके): शिरुर तालुक्यात एकीकडे दुष्काळात शेतकरी होरपळत असताना दुसरीकडे विजेच्या तारांच्या शॉर्टसर्किट मुळे…