सोलापूर: मंगळवेढ्याजवळ पंढरपूर–सोलापूर महामार्गावर सोमवारी (२६ जानेवारी २०२६) सायंकाळी भीषण अपघात झाला. देवदर्शनासाठी पंढरपूरला गेलेल्या मुंबईच्या भाविकांच्या क्रुझर गाडीला एका मालवाहतूक कंटेनर ट्रकने जोरदार धडक दिली. या अपघातात तीन महिला आणि १४ वर्षांच्या मुलासह चार भाविकांचा जागीच मृत्यू झाला असून पाच ते सहा जण गंभीर जखमी झाले आहेत.
हा अपघात सायंकाळी सुमारे ७ वाजण्याच्या सुमारास शरद नगर, मल्लेवाडी (ता. मंगळवेढा) येथे घडला. मुंबईहून विठ्ठल-रुक्मिणीचे दर्शन घेऊन परतणाऱ्या भाविकांची क्रुझर गाडी मंगळवेढा मार्गे जात असताना, ढेकळेवाडी गावाजवळ समोरून येणाऱ्या कंटेनर ट्रकने भरधाव वेगात आणि चुकीच्या दिशेने येत क्रुझरला धडक दिली. धडकेनंतर क्रुझर गाडी रस्त्याच्या कडेला जाऊन पलटी झाली.
या भीषण अपघातात योगिनी केकाणे, सोनम अहिरे, आदित्य गुप्ता (वय १४) आणि सविता गुप्ता यांचा जागीच मृत्यू झाला. तर अंजली यादव, सोहम घुगे यांच्यासह अन्य सहा जण गंभीर जखमी झाले आहेत. जखमींना तातडीने मंगळवेढा येथील उपजिल्हा रुग्णालयात दाखल करण्यात आले असून काहींची प्रकृती चिंताजनक असल्याची माहिती आहे.
अपघाताची माहिती मिळताच पोलिसांनी घटनास्थळी धाव घेत बचावकार्य तातडीने सुरू केले. अपघातामुळे महामार्गावर काही काळ वाहतूक कोंडी झाली होती, मात्र पोलिसांनी परिस्थिती नियंत्रणात आणत वाहतूक सुरळीत केली.
अपघाताला कारणीभूत ठरलेल्या कंटेनर ट्रकचा क्रमांक HH 46 BU-6651 असून, चालक युवराज यशवंत गळवे याच्यावर निष्काळजीपणे वाहन चालवून अपघात केल्याचा आरोप आहे. पोलिसांनी ट्रक चालकाला ताब्यात घेतले असून पुढील तपास सुरू आहे.
हेल्दी ड्रिंक्सचा विषय निघतो तेव्हा नारळ पाण्याचं नाव सगळ्यात वर येतं. नारळ पाणी हे शरीरासाठी…
कधीकधी अपचनामुळे पोट जड होऊन वेदनाही होतात. अस्वस्थता, जळजळ आणि मळमळ असा त्रासही होतो. तर…
1) कॅन्सर होण्याची भीती वाटते.-नियमित कडीपत्त्याचा रस प्या. 2) हार्ट अँटॅकची भीती वाटते - नियमित…
मुंबई : कर्मचाऱ्यांना वेळेवर वेतन मिळावे आणि नोकरी सोडल्यानंतर देय रक्कम मिळण्यासाठी होणारा विलंब टाळावा,…
मुंबई: प्रसिद्ध नाटककार प्रदीप कबरे यांच्या सिद्धहस्त लेखणीतून साकारलेल्या 'खिडकी' या पुस्तकातील निवडक अनुभवांवर आधारित…
बारामतीत विकासकामांच्या पाहणीदरम्यान थांबवला ताफा; जखमी तरुणीच्या उपचारासाठी अधिकाऱ्यांना तातडीच्या सूचना बारामती: उपमुख्यमंत्री सुनेत्रा अजित…