पाबळमध्ये किरकोळ वादातून युवकाला मारहाण

शिक्रापूर (शेरखान शेख): पाबळ (ता. शिरुर) येथे एका युवकासोबत झालेल्या वादातून युवकाच्या भावाला मारहाण करण्यात आल्याची घटना घडली असल्याने शिक्रापूर पोलीस स्टेशन येथे वृषभ संजय गायकवाड या युवकावर गुन्हे दाखल करण्यात आले आहे.

पाबळ (ता. शिरुर) येथील गणेश चौधरी व वृषभ गायकवाड या दोघांमध्ये मागील आठवड्यात वाद झाला होता. त्यामुळे वृषभ हा गणेशच्या घरी गेला. त्यावेळी गणेशचा भाऊ महेश घरासमोर उभा असताना वृषभने गणेश बाबत विचारपूस करत शिवीगाळ, दमदाटी सुरु केली त्यावेळी महेशत्याला समजावून सांगत असताना त्याने महेश चौधरी यास लोखंडी गजाने मारहाण करत जखमी केले.

याबाबत महेश दत्तात्रय चौधरी (वय २२) रा. पाबळ (ता. शिरुर) जि. पुणे यांनी शिक्रापूर पोलीस स्टेशन येथे फिर्याद दिली असल्याने शिक्रापूर पोलिसांनी वृषभ संजय गायकवाड रा. पाबळ (ता. शिरुर) जि. पुणे याचे विरुद्ध गुन्हे दाखल केले असून सदर गुन्ह्याचा पुढील तपास सहाय्यक पोलीस उपनिरीक्षक अनिल ढेकणे व पोलीस शिपाई राहुल वाघमोडे हे करत आहे.