बापानेच केली चार वर्षाच्या चिमुकलीची हत्या…

मुंबई: मुंबईच्या अँटॉप हिल परिसरातून माणुसकीला काळिमा फासणारी घटना समोर येत आहे. सावत्र पित्याने चार वर्षाच्या मुलीची हत्या केली. त्याचा कारण पत्नीसोबत वेळ घालवण्यात अडचण ठरत होती. चिमुकली अशिरापर्यंत मोबाईलवर खेळत असल्याच्या रागातून ही हत्या करण्यात आल्याची माहिती समोर आली आहे. पोलिसांनी केलेल्या तपासात या हत्येचा उलगडा झाला असून वरळीवरून आरोपी इम्रान शेखला अँटॉप हिल पोलिसांनी अटक केली आहे.

पुढे आलेल्या माहितीनुर, चार वर्षांची चिमुरडी रोज रात्री उशिरापर्यंत मोबाईलवर खेळात असायची. परिणामी इम्रान शेखला आपल्या पत्नीसोबत वेळ घालवण्यात अडचण येत होती. दरम्यान, हाच राग मनात ठेवून इमरानने अतिशय क्रूरपणे गळा आवळून चार वर्षीय चिमुलीची हत्या केली असल्याचे समोर आले. त्यांनतर हे कृत्य कुणाला कळू नये म्हणून मृतदेह कुलाबा येथील समुद्रात फेकला. मात्र दुसऱ्यादिवशी सकाळी ससून डॉकजवळ चिमुरडीचा मृतदेह सापडला. पोलिसांनी तपास सुरु करत चौकशी केली असता पोलिसांना संशय आला. मुलगी बेपत्ता झाली तेव्हापासून इमरान शेख देखील बेपत्ता असल्याने हा संशय अधिक बळावला. अखेर पोलीस तपासात सत्य बाहेर आलं आणि अँटॉप हिल पोलिसांनी वरळीवरून इमरान शेखला अटक केली. सध्या पोलीस या प्रकरणाचा अधिक तपास करत आहे. या संतापजनक घटनेमुळे परिसरात एकच खळबळ उडाली आहे.

दरम्यान, परभी येथून एक धक्कादायक घटना समोर येत आहे. एका महिलेने चक्क ट्रॅव्हल्समधून अर्भकाला रस्त्यावर फेकल्याची घटना घडली आहे. ही धक्कदायक घटना पाथरी येथील देवनांद्रा परिसरात पहाटेच्या सुमारास घडली आहे. ऋतिका ढेरे असे या महिलेचे नाव असून, तिचा साथीदार अल्ताफ शेख अशी दोन्ही आरोपींची नावं आहेत. पाथरी तालुक्यातील सेलू रोडवरील देवनांद्रा परिसरात ही घटना घडली. प्रवासी ट्रॅव्हल्समधून नवजात अर्भक रस्त्याच्या कडेला फेकून दिल्याची माहिती मिळताच पोलिसांनी तत्काळ घटनास्थळी धाव घेतली. ही घटना मंगळवारी (दि.१५) पहाटेच्या सुमारास उघडकीस आली. डायल ११२ वर प्राप्त झालेल्या माहितीनंतर, पोलीस अंमलदारांनी तात्काळ सेलू रोडवरील देवनांद्रा परिसरात धाव घेतली. घटनास्थळी काळसर-निळसर रंगाच्या कपड्यात गुंडाळलेले नवजात अर्भक रस्त्याच्या कडेला आढळले.

दरम्यान, या ठिकाणी हजर असलेल्या नागरिकांनी अर्भक एका पांढऱ्या रंगाच्या ट्रॅव्हल्समधून फेकण्यात आले असून, गाडीवर संत प्रयाग ट्रॅव्हल्स असे नाव होते. ट्रॅव्हल्सची माहिती घेतली असता, संबंधित गाडी पुणे-परभणी व्हाया सेलू अशी सेवा करणारी असल्याचे निष्पन्न झाले. तपासात, प्रवासादरम्यान एका महिलेला प्रसूती वेदना झाल्या व ट्रॅव्हल्समध्येच प्रसूती झाल्याचे निष्पन्न झाले. त्यानंतर नवजात अर्भक नको असल्याने गाडीतून रस्त्यावर फेकल्याची कबुली संबंधित दोघांनी दिली. या प्रकारामुळे नवजात अर्भकाच्या जीवाला धोका निर्माण झाला असून, संबंधित दोघांविरुद्ध गुन्हा दाखल करण्यात आला.