मुंबई: अभिनेता रितेश देशमुखवर दु:खाचा डोंगर कोसळला आहे. रितेशची सावली असलेल्या आणि अत्यंत जवळच्या व्यक्तीचा मृत्यू झाला आहे. राजकुमार तिवारी असं त्यांचं नाव असून ते रितेशचे मॅनेजर होते.
राजकुमार तिवारी केवळ रितेशचे मॅनेजरच नव्हते तर त्याच्या मोठ्या भावासारखे होते. त्यामुळे त्यांच्या निधनाने रितेशला खूप मोठा धक्का बसला आहे. रितेशनं पोस्ट शेअर करत आपल्या भावना व्यक्त केल्या आहेत.
रितेश देशमुखनं इन्स्टाग्रामवर राजकुमार तिवारी यांच्यासोबतचा एक फोटो पोस्ट केला. ज्याच्या कॅप्शनमध्ये त्यानं लिहलं, “राजकुमार तिवारी यांचे निधन झाल्याचं ऐकून मन सुन्न झालं असून मोठा धक्का बसला आहे. ते माझे मार्गदर्शक होते, माझे मोठे भाऊ, आणि माझं कुटुंबच होते. माझ्या पदार्पणापासून त्यांनी माझं काम हाताळलं आणि कठीण काळात कायम माझ्या सोबत ठामपणे उभे राहिले. मला तुमची कायम आठवण येईल तिवारीजी. त्यांचे कुटुंबीय विशेषतः त्यांची मुलं सिद्धार्थ आणि सुजीत यांच्याप्रती मी सहवेदना व्यक्त करतो”, या शब्दात रितेशनं दु:ख व्यक्त केलं.
रितेश देशमुखने बॉलिवूडमध्ये आपल्या करिअरची सुरुवात ‘तुझे मेरी कसम’ या चित्रपटातून केली होती. हा चित्रपट २००३ साली प्रदर्शित झाला होता. या चित्रपटात जिनिलिया डिसूझा हिची प्रमुख भूमिका होती. विशेष म्हणजे, त्याच वेळेपासून रितेशसोबत राजकुमार तिवारी हे मॅनेजर म्हणून कायम होते. मिळालेल्या माहितीनुसार, राजकुमार तिवारी यांनी बॉलिवूडमधील दिग्गज कलाकार विनोद खन्ना आणि फिरोज खान यांच्यासोबतही काम केलं होतं.
पाणीगळती, पाणीचोरी आणि टँकरच्या काळाबाजारावर कारवाई होणार; पिण्याच्या पाण्याचा गैरवापर करणाऱ्यांचे नळजोड तोडणार! पुणे :…
न्हावरे (अक्षय टेमगिरे) शिरुर तालुक्यातील न्हावरा रोड येथे दुचाकीवरुन पडून गंभीर जखमी झालेल्या २६ वर्षीय…
न्हावरे (अक्षय टेमगिरे) : घराचा दरवाजा उघडा असल्याची संधी साधत अज्ञात चोरट्याने घरात प्रवेश करुन…
शिरूर (अरुणकुमार मोटे) : आंबळे (ता. शिरूर) येथील अखंड हरिनाम सप्ताहातील खोले महाराज यांचा कीर्तनाचा…
कारेगाव (तेजस फडके) : शिरुर तालुक्यात गुन्हेगारीचे प्रकार थांबण्याचे नाव घेत नसतानाच कारेगाव येथे एका…
मुंबई: महाराष्ट्राच्या समृद्ध सांस्कृतिक परंपरेचे प्रतीक असलेल्या गणेशोत्सवाला युनेस्कोच्या अमूर्त सांस्कृतिक वारशाच्या यादीत स्थान मिळवून…