अहिल्यानगर: हॉटेल्सवर देहविक्रीचा अवैध व्यवसाय चालविला जात असल्याचे समोर आले आहे. शिर्डीत देखील काही दिवसांपूर्वी हा प्रकार समोर आला होता. त्यानुसार शिर्डी शहरात वेश्या व्यवसायांना आळा घालण्यासाठी पोलीस प्रशासनाने मोठी कारवाई केली आहे. यात जिल्हाधिकाऱ्यांच्या आदेशाने शहरातील चार हॉटेल्स एक वर्षासाठी सील करण्यात आले आहे.
शिर्डीमध्ये काही दिवसांपूर्वी तत्कालीन उपविभागीय पोलीस अधिकारी संदीप मिटके यांनी हॉटेल्सवर पिटा अंतर्गत कारवाई केली होती. त्या कारवाई नंतर पोलिस प्रशासनाने न्यायालयात अहवाल सादर केला होता. या अहवालावरून न्यायालयाने निकाल देत ज्या ठिकाणी वेशाव्यवसाय सुरू होता. त्या आस्थापना सील करण्याचे आदेश जिल्हाधिकाऱ्यांना दिले होते. न्यायालयाच्या आदेशानुसार जिल्हाधिकारी यांनी याबाबत आदेश काढले आहेत.
वर्षभरासाठी हॉटेल्स सील
दरम्यान ज्या ठिकाणी वेश्या व्यवसाय सुरु असल्याचे आढळून आले होते. त्यांना सील लावण्याचे आदेश काढण्यात आले आहे. त्यानुसार शिर्डी शहरातील हॉटेल साई वसंत विहार, हॉटेल शिर्डी साई इन, हॉटेल साई वीरभद्र आणि हॉटेल साई शीतल या हॉटेलवर कारवाई करत सदरचे हॉटेल्स एक वर्षासाठी सील करण्यात आले आहेत. या कारवाईमुळे खळबळ उडाली आहे.
अवैध धंद्याला लागणार चाप
शिर्डी शहरात अनेक ठिकाणी छुप्या पद्धतीने अवैध धंदा चालविला जात असल्याचे झालेल्या कारवाईमुळे उघडकीस आले आहे. यात चार हॉटेल्सवर कारवाई झाल्यामुळे खळबळ उडाली असून हॉटेल्स सील करण्यात आलेल्या कारवाईमुळे किमान हॉटेल्सवर चालविले जाणारे अवैध धंद्यांना काही दिवस तरी चाप बसणार आहे.
न्हावरे (अक्षय टेमगिरे) शिरुर तालुक्यातील आंबळे येथे विवाहित महिलेचा शारीरिक व मानसिक छळ केल्याप्रकरणी पतीसह…
शिरूर (तेजस फडके) : शिरुर तालुक्यात अवैध धंद्यांविरोधात पोलिसांनी दोन स्वतंत्र कारवाया करत गावठी हातभट्टीची…
११५ कोटींच्या मालमत्ता जप्तीला शासनाची मंजुरी; ९८ जणांवर गुन्हे, हजारो गुंतवणूकदारांचे पैसे परत मिळण्याची प्रतीक्षा…
न्हावरे (अक्षय टेमगिरे) शिरुर तालुक्यात अवैध दारु विक्रीला आळा घालण्यासाठी शिरुर पोलिसांनी दोन वेगवेगळ्या ठिकाणी…
शिरुर (तेजस फडके) शिरुर तालुक्यात जागेच्या वादातून तसेच शेळ्या-मेंढ्या चारण्याच्या कारणावरुन मारहाणीच्या दोन स्वतंत्र घटना…
शिरुर (तेजस फडके) शिरुर पोलीस स्टेशनच्या हद्दीत वीजमीटरमध्ये छेडछाड करुन वीजचोरी केल्याप्रकरणी दोन स्वतंत्र गुन्हे…