शिरुर तालुक्यात संस्थेतील लोकांना 10 गुंठे जागा देतो असे सांगून १ कोटी ६ लाखांची केली फसवणूक

शिरुर (अरुणकुमार मोटे): शिरूर येथील माऊली सहकारी गृहरचना संस्था मर्यादित या संस्थेतील लोकांना 10 गुंठे जागा देतो, असे सांगून त्यांच्याकडून 1 कोटी 6 लाख रुपयांची फसवणूक केल्याप्रकरणी शिरुर पोलिस स्टेशन येथे 4 जणांवर गुन्हा दाखल करण्यात आला आहे.

परेश नागनाथ सुपते, दत्तात्रय सिध्दु आढाव, संजय मच्छिंद्र गटकळ, नामदेव सिताराम गावडे सर्व रा. शिरूर (ता. शिरूर) जि. पुणे यांच्यावरच फसवणुक प्रकरणी गुन्हा दाखल करण्यात आला आहे. याप्रकरणी सतिश रामदास आंधळे (रा. शिरूर) यांनी फिर्याद दिली आहे.

याबाबत शिरूर पोलिसांनी दिलेली माहिती पुढील प्रमाणे तरी ता. 10/12/2020 रोजी पासुन आज पर्यंत शिरूर गावचे हददीतील वरील 4 आरोपींनी संगणमत करून फिर्यादीला शिरुर नगरपालीका हददीतील सर्व्हे नं. 54 मधील 10 गुंठे जागा खरेदीखताने खरेदी करून देतो, असे म्हणुन विसारपावती करुन देउन त्यांच्याकडुन विश्वासाने 1 कोटी 6 लाख रूपये घेऊन ते त्यातील काही पैसे जागेचे मुळ मालक गायत्री संतोष पटवा यांचे खात्यावर टाकुन ते कागदावर सापडु नये म्हणुन गायत्री पटवा यांचे खात्यावरून गायत्री पटवा यांच्याभोळेपणाचा फायदा घेऊन ते पैसे सुपते याचे ओळखीच्या लोंकाचे अकाउंटला खोटे कारण सांगुन टाकुन ते पैसे रोख स्वरूपात सुपते व इतर लोकाकडुन स्विकारून जागेचे खरेदीखत करून न देता माउली सहकारी गृहरचना संस्था मर्या शिरूर या मधील सभासदांची अशी जमा झालेल्या रक्कमेतील दिलेल्या 1 कोटी 6 लाख रूपयाचा अपहार करून शिरूरच्या गृहरचना संस्था मधील सभासदाची फसवणुक केली आहे.

याप्रकरणी 4 जणांवर फसवणुकीचा गुन्हा दाखल झाला असून गुन्हयाचा पुढील तपास पोलिस उपनिरीक्षक अभिमन्यू पवार हे करत आहेत