पुणे नगर महामार्गावर अपघातात एकाचा मृत्यू तिघे गंभीर जखमी

शिक्रापूर (शेरखान शेख): शिक्रापूर (ता. शिरुर) येथे मध्यरात्रीच्या सुमारास एक कार दुभाजकाला धडकून झालेल्या अपघातात कारचे नुकसान होत एका युवकाचा मृत्यू होत तिघे गंभीर जखमी झाल्याची घटना घडली असून अमोल संभाजी फुले असे मृत तरुणाचे नाव आहे.

शिक्रापूर (ता. शिरुर) येथील पुणे नगर महामार्गावरून चौघे मित्र त्यांच्या ताब्यातील एम एच १२ एम एफ ६६६४ या सियाज कार मधून अहमदनगर बाजूने पुणे बाजूकडे चाललेले असताना रात्री दहा वाजण्याच्या सुमारास त्यांची कार येथील दुभाजकावर आदळून शेजारील पत्र्यांना धडकली. सदर भीषण अपघाताची माहिती मिळताच पोलीस हवालदार राजेश माने, पोलीस नाईक अंबादास थोरे, राकेश मळेकर यांनी घटनास्थळी धाव घेतली.

दरम्यान येथील नागरिकांनी जखमींना उपचारासाठी सूर्या हॉस्पिटल मध्ये दाखल केले असता घडलेला अपघात अमोल संभाजी फुले (वय ३५) रा. सासवड ता. पुरंदर जि. पुणे याचा उपचारापूर्वी मृत्यू झाला तर वैभव सुभाष कुंभारकर (वय २८) व अनिकेत उर्फ बाबू शरद चौखंडे (वय २३) दोघे रा. सासवड ता. पुरंदर तसेच नितीन बबन देशमुख (वय ३१) रा. केडगाव जि. अहमदनगर हे तिघे जखमी झाले आहे.

याबाबत पोलीस नाईक अंबादास अश्रुबा थोरे रा. शिक्रापूर (ता. शिरुर) जि. पुणे यांनी शिक्रापूर (ता. शिरुर) जि. पुणे यांनी शिक्रापूर पोलीस स्टेशन येथे फिर्याद दिली असल्याने शिक्रापूर पोलीस स्टेशन येथे खबर दिली असून पुढील तपास पोलीस निरीक्षक हेमंत शेडगे यांच्या मार्गदर्शनाखाली पोलीस हवालदार राजेश माने हे करत आहे.