dead
शिक्रापूरः हवेली तालुक्यातील अष्टापूर फाटा परिसरात एका भरधाव दुचाकीने समोरून येणाऱ्या दुचाकीला समोरा समोर जोरदार धडक दिल्याने झालेल्या अपघातात दोन दुचाकीस्वारांसह एका ६ वर्षांच्या मुलाचा मृत्यू झाल्याची घटना घडली आहे.
लोणीकंद पोलिस चौकीच्या हद्दीत एस टी बसच्या अपघाताला एक दिवस हित नाही तोच दुसरा भीषण अपघात झाला आहे. हवेली तालुक्यातील अष्टापूर फाटा परिसरात एका भरधाव दुचाकीने समोरून येणाऱ्या दुचाकीला समोरा समोर जोरदार धडक दिल्याने झालेल्या अपघातात दोन दुचाकीस्वारांसह एका ६ वर्षांच्या मुलाचा मृत्यू झाल्याची घटना घडली. प्रवीण सुनील पाटोळे (वय २८), राजवीर प्रवीण पाटोळे (वय ६ दोघे रा. अष्टापूर, ता. हवेली, नगर रस्ता ) अशी मृत्युमुखी पडलेल्यांची नावे आहेत. तर दूसरा दुचाकीस्वार यश शेखावत (वय २१ रा. न्हावी सांडस फाटा, ता. हवेली, नगर रस्ता) हा गंभीर जखमी झाला होता. त्याच्यावर उपचार सुरू असतांना त्याचा मृत्यू झाला. मृत शेखावत वर या अपघात प्रकरणी लोणीकंद पोलिस ठाण्यात गुन्हा दाखल करण्यात आला आहे. या प्रकरणी अक्षय पाटोळे (वय २९ ) यांनी तक्रार दाखल केली आहे.
दुचाकीस्वार प्रवीण व त्यांचा मुलगा राजवीर हे शुक्रवारी (ता. ३१) संध्याकाळी ८ च्या सुमारास घरी जात होते. यावेळी यवत परिसरातील राहू येथून अष्टापूरकडे भरधाव वेगाने यश शेखावत हा त्यांच्या दुचाकीवरून येत होता. यावेळी शेखावतने समोरुन दुचाकीवरुण येणाऱ्या प्रवीण यांना जोरदार धडक दिली. हा अपघात एवढा गंभीर होता की, प्रवीण व त्यांचा मुलगा राजवीर हे गंभीर जखमी झाले. तर दुचाकीस्वार शेखावत देखील गंभीर जखमी झाला. या घटनेची माहिती मिळताच ग्रामस्थ व पोलिसांनी घटनास्थळी धाव घेतली. तिघांनाही दवाखान्यात भरती करण्यात आले. मात्र, उपचारांपूर्वीच प्रवीण आणि त्यांचा मुलगा राजवीर यांचा मृत्यू झाला होता. तर शेखावतचा देखील उपचार सुरू असतांना मृत्यू झाला. या अपघातात प्रवीण आणि त्यांचा सहा वर्षांचा मुलगा राजवीर यांचा मृत्यू झाला. दोघांच्या मृत्यूमुळे अष्टापूर परिसरात शोककळा पसरली आहे.
शिरूर तालुक्यात महिलेच्या साडीचा पदर दुचाकीच्या चाकात अडकून मृत्यू…
शिरुर; सरदवाडी येथे मोठा अनर्थ टळला रस्ता दुभाजक ओलांडून मालवाहु कंटेनरची थेट सलुन दुकानाला धडक
शिरुर; सामाजिक कार्यकर्त्यांची सुरक्षा ऐरणीवर अशोक भोरडे यांच्या जिवितास धोका पोहचवण्याचा कट…?
मुंबई: महाराष्ट्रात सुरू असलेल्या SIR (Special Intensive Revision) मोहिमेत मोठ्या संख्येने मतदारांची नावे प्रारूप मतदार…
मुंबई : राज्यातील सहकारी साखर कारखान्यांना आगामी गाळप हंगामाच्या पूर्वतयारीसाठी तसेच शेतकऱ्यांना एफआरपीची रक्कम वेळेत अदा…
मुंबई: बीड जिल्ह्यासह संपूर्ण मराठवाड्याच्या विकासासाठी महत्त्वपूर्ण ठरणारी बीड–पुणे रेल्वे सेवा येत्या १७ सप्टेंबर रोजी…
मुंबई: सर्वोच्च न्यायालयात शिवसेना पक्ष आणि धनुष्यबाण चिन्हासंदर्भातील सुनावणी निर्णायक टप्प्यात पोहोचली असून, आजपासून शिंदे…
Pपुणे : महाराष्ट्राच्या समृद्ध सांस्कृतिक आणि आध्यात्मिक परंपरेत अष्टविनायक यात्रेला अनन्यसाधारण महत्त्व आहे. श्रीगणेशाची आठ…
नवी दिल्ली: “बाळासाहेब ठाकरे यांना धनुष्यबाण प्राणाहून प्रिय होता. ते देव्हाऱ्यात धनुष्यबाणाची पूजा करायचे. मात्र, २०१९…