शिरूर तालुक्यातील पोलिस चौकीजवळ काय सुरू आहे? हे पोलिसांना माहितच नव्हतं; अखेर…

शिरूर : शिरूर तालुक्यातील कोरेगाव भीमा येथील पोलिस चौकीपासून हाकेच्या अंतरावर मटका अड्डा सुरू होता. पण, पोलिसांना याबद्दल काहीच माहित नव्हते. अखेर पोलिस चौकीजवळ असलेल्या या मटका अड्ड्यावर स्थानिक गुन्हे अन्वेषण विभागाने (LCB) छापा टाकत मोठी कारवाई केली आहे.

कोरेगाव भीमा येथील वढू रस्त्यालगत असलेल्या खुशबू पान शॉपसमोर, एका हॉटेलच्या शेडमध्ये ‘कल्याण’ नावाचा मटका बेधडकपणे खेळला जात होता. याबाबतची माहिती एलसीबीला मिळाली होती. या माहितीच्या आधारे पोलिस उपनिरीक्षक अभिजित सावंत आणि त्यांच्या पथकाने अचानक छापा टाकला. यावेळी काही लोक कागदावर आकडे लिहून मटका खेळवताना रंगेहाथ सापडले. पोलिसांनी छापा टाकताच एकच गोंधळ उडाला.

पोलिसांनी या छाप्यात मटक्याचे साहित्य आणि रोख रक्कम असा एकूण एक लाख रुपयांचा मुद्देमाल जप्त केला आहे. याप्रकरणी मटका चालक आणि जागा मालकासह तब्बल १२ जणांविरुद्ध गुन्हा दाखल करण्यात आला आहे. अरुण वानखेडे, दत्तात्रय कान्हूरकर, ज्ञानेश्वर थोरात, अविनाश शिवले, विराज आलम, कुंडलिक राठोड, सोमनाथ माने, वसंत सुपेकर, परमेश्वर शिंदे, श्रीमंत आबा पाटील, दत्ता वारघडे आणि जागा मालक राऊतमामा अशी गुन्हा दाखल झालेल्यांची नावे आहेत.

दरम्यान, पोलिस चौकी शेजारीच हा अवैध धंदा सुरू असताना स्थानिक पोलिसांना याची कुणकुण कशी लागली नाही, याबद्दल आश्चर्य व्यक्त होत आहे. स्थानिक गुन्हे शाखेला येऊन ही कारवाई करावी लागली. या कारवाईमुळे अवैध धंदेवाल्यांचे धाबे दणाणले आहेत.

शिरूरमध्ये गुन्हेगारीचा सुळसुळाट; निलेश वाळुंज यांचा १५ एप्रिलपासून बेमुदत सत्याग्रह…

शिरूर पोलिसांची उल्लेखनीय कामगिरी, १८ गुन्ह्यांतील मुद्देमाल शोधून १२ लाख ३६ हजारांचा माल फिर्यादींच्या ताब्यात

शिरूर पोलिसांनी जबरी चोरी प्रकरणाचा केला उलगडा, आरोपी गजाआड, सोनेही जप्त…

शिरूर! पुणे-नगरमहामार्गावर कारला धक्का लागल्याने कंटेनरच पेटवला…

Video! शिरूर तालुक्यातील सविंदणे गावात हवेत गोळीबार; गुन्हा दाखल…