लग्नाच्या मिरवणूकीत कोयता घेऊन लपल्याची माहिती पोलिसांनी समजली अन्…

शिक्रापूर (शेरखान सेख): कान्हूर मेसाई (ता. शिरुर) येथे रात्रीच्या वेळी सुरु असलेल्या एका लग्नाच्या मिरवणुकीमध्ये कोयता घेऊन लपलेला युवक पोलिसांच्या जाळ्यात अडकला आहे. श्रीराम संतोष होले असे पोलिसांनी जेरबंद केलेल्या युवकाचे नाव आहे.

कान्हूर मेसाई २६ मे रोजी रात्री एका लग्नाची मिरवणूक सुरु होती. सदर मिरवणूक दरम्यान एक युवक लोखंडी कोयता घेऊन लपला असल्याची माहिती शिक्रापूर पोलिसांना मिळाली होती. सहाय्यक पोलिस उपनिरीक्षक विजय चौधर, पोलिस शिपाई राहुल वाघमोडे यांनी सदर ठिकाणी जाऊन पाहणी केली असता एक संशयित युवक पोलिसांना दिसला. मात्र पोलिस आल्याचे कळताच तो पळून जाऊ लागला. यावेळी पोलिसांनी त्यांना पकडत अंगझडती घेतली असता त्याच्या जवळ एक कोयता मिळून आला. पोलिसांनी सदर कोयता जप्त केला आहे.

पोलिस शिपाई राहुल वाघमोडे सुर्यकांत वाघमोडे (वय ४३ वर्षे रा. शिक्रापूर ता. शिरुर जि. पुणे) यांनी शिक्रापूर पोलिस स्टेशन येथे फिर्याद दिली आहे. शिक्रापूर पोलिसांनी श्रीराम संतोष होले (वय २९ वर्षे रा. होलेवाडी ता. खेड जि. पुणे) याच्या विरुद्ध गुन्हे दाखल करत त्याला अटक केली आहे. पुढील तपास पोलिस निरीक्षक प्रमोद क्षिरसागर यांच्या मार्गदर्शनाखाली सहाय्यक पोलिस उपनिरीक्षक विजय चौधर हे करत आहेत.