शिक्रापुरात पहाटे चोरी करणाऱ्यास युवकाने रंगेहात पकडले

शिक्रापूर (शेरखान शेख): शिक्रापूर (ता. शिरुर) येथील इंद्रप्रस्थ कॉलनी मध्ये घराच्या बाहेरील धान्याचे पोते चोरून घेऊन जाणाऱ्यास सदर ठिकाणच्या नागरिकांनी शिताफीने पकडत पोलिसांच्या ताब्यात दिले असून भूपेंद्र मुन्ना ठाकूर असे पोलिसांनी अटक केलेल्या चोरट्याचे नाव आहे.

शिक्रापूर (ता. शिरुर) येथील इंद्रप्रस्थ कॉलनी येथील लालासाहेब मोरे हे घरात झोपलेले असताना पहाटे साडेचार वाजण्याच्या सुमारास कुत्रे भुंकण्याचा आवाज आल्याने मोरे हे उठून घराबाहेर आले असतान एक युवक त्यांच्या घराबाहेरुन धान्याचे पोते घेऊन जात असल्याचे त्यांना दिसले त्यावेळी मोरे यांनी सदर युवकास पकडले असता दोघांची झटापट झाली यावेळी आरडाओरडा झाल्याने आजूबाजूचे नागरिक जागे झाले. याबाबतची माहिती मिळताच पोलीस नाईक रोहिदास पाखरे यांनी सदर युवकाला ताब्यात घेतले.

याबाबत लालासाहेब शंकर मोरे (वय ४०) रा. इंद्रप्रस्थ कॉलनी शिक्रापूर (ता. शिरुर) जि. पुणे यांनी शिक्रापूर पोलीस स्टेशन येथे फिर्याद दिली असल्याने शिक्रापूर पोलिसांनी भूपेंद्र मुन्ना ठाकूर सध्या रा. शिक्रापूर तळेगाव रोड (ता. शिरुर) जि. पुणे मूळ रा. रसायन ठाणा महाराजपूर ता. देवरी जि. सागड याचे विरुद्ध गुन्हे दाखल करत त्याला अटक केली असून पुढील तपास पोलीस निरीक्षक हेमंत शेडगे यांच्या मार्गदर्शनाखाली पोलीस नाईक संतोष मारकड हे करत आहे.