शिक्रापूर पाबळ रस्त्यावर दोन वाहनांची समोरासमोर धडक

शिक्रापूर (शेरखान शेख): शिक्रापूर (ता. शिरुर) येथील बेल्हा जेजुरी महामार्गावरील शिक्रापूर पाबळ रस्त्यांवर अपघाताचे प्रमाण घडत असताना नुकतेच दोन वाहनांची समोरासमोर धडक होऊन एक चालक गंभीर जखमी झाल्याची घटना घडल्याने शिक्रापूर पोलीस स्टेशन येथे मिलिंद नामदेव मंचरे या व्यक्तीवर गुन्हे दाखल करण्यात आले आहे.

शिक्रापूर ता. शिरुर येथील पाबळ शिक्रापूर रस्त्यावरुन शहाजी चव्हाण (दि. २८) नोव्हेंबर रोजी रात्री 11 वाजण्याच्या सुमारास पाबळ बाजूने त्यांच्या ताब्यातील एम एच १२ यु एम ३६९१ हा टेम्पो घेऊन येत असताना शिक्रापूर बाजूने भरधाव वेगाने आलेल्या एम एच १४ एफ एम २१५१ या क्रुझर जीपची चव्हाण यांच्या वाहनाला जोरदार धडक बसली आणि दोन्ही वाहने रस्त्याचे दोन्ही बाजूला चरित गेली. या अपघातात टेम्पो चालक शहाजी चव्हाण हे गंभीर जखमी होत दोन्ही वाहनांचे मोठे नुकसान झाले आहे.

याबाबत शहाजी श्रीरंग चव्हाण (वय ४४) रा. जेल रोड येरवडा पुणे यांनी शिक्रापूर पोलीस स्टेशन येथे फिर्याद दिल्याने शिक्रापूर पोलिसांनी मिलिंद नामदेव मंचरे रा. नागापूर पोस्ट रांजणी ता. आंबेगाव जि. पुणे याचे विरुद्ध गुन्हे दाखल केले असून पुढील तपास पोलीस निरीक्षक हेमंत शेडगे यांच्या मार्गदर्शनाखाली पोलीस हवालदार राजेश माने हे करत आहे.