पुणे: गर्भाशयातील गाठ काढण्यासाठी खासगी रुग्णालयात दाखल झालेल्या ३५ वर्षीय महिलेचे गर्भाशयच काढल्याचा धक्कादायक प्रकार उघडकीस आला आहे. या प्रकरणी मांजरी पोलिस ठाण्यात साई केअर हॉस्पिटलच्या चार डॉक्टरांसह पाच जणांविरुद्ध शस्त्रक्रियेत निष्काळजीपणाचा गुन्हा दाखल करण्यात आला आहे.
साई केअर हॉस्पिटलचे डॉ. संदीप कराड, डॉ. मंदार साहुजी, डॉ. निहाल शेख, डॉ. शेहजाद शेख आणि सूरज कांबळे यांच्यावर भारतीय न्याय दंड संहिता कलम १२५ (ब), ३ (५) अन्वये गुन्हा नोंदवण्यात आला आहे. तक्रारदार महिलेने हडपसरमधील मांजरी पोलिस ठाण्यात फिर्याद दिली आहे.
काय आहे प्रकरण?
पोलिसांनी दिलेल्या माहितीनुसार, तक्रारदार महिलेने २०२३ मध्ये सोनोग्राफी केली असता गर्भाशयात छोटी गाठ असल्याचे निदर्शनास आले होते. पुढील उपचारासाठी त्यांना १३ सप्टेंबर २०२५ रोजी मांजरी येथील साई केअर हॉस्पिटलमध्ये दाखल करण्यात आले.
सोनोग्राफी अहवालाच्या आधारे डॉक्टरांनी गाठ लेझर शस्त्रक्रियेद्वारे काढावी लागेल, असे सांगितले. १४ सप्टेंबर रोजी त्या रुग्णालयात दाखल झाल्या आणि १५ सप्टेंबर रोजी शस्त्रक्रिया करण्यात आली. १७ सप्टेंबर रोजी त्यांना डिस्चार्ज देण्यात आला.
पुन्हा तपासणीत उघड झाला प्रकार
डिस्चार्जनंतर महिलेची तब्येत बिघडू लागल्याने त्या पुन्हा तपासणीसाठी रुग्णालयात गेल्या. त्यावेळी त्यांच्या गर्भाशय काढण्यात आल्याचे समोर आले. वैद्यकीय कागदपत्रांतही त्याचा उल्लेख असल्याचे समजते.
महिलेने आपल्या फिर्यादीत नमूद केले आहे की, त्यांनी केवळ गर्भाशयातील गाठ काढण्यास संमती दिली होती; गर्भाशय पूर्णपणे काढण्यास त्यांनी परवानगी दिली नव्हती. या बाबत डॉक्टरांकडे विचारणा केली असता समाधानकारक उत्तर मिळाले नाही.
पोलिसांची कारवाई
मांजरी पोलिसांनी रुग्णालयातील कागदपत्रे, संमतीपत्र आणि शस्त्रक्रियेचा अहवाल तपासला. तसेच वैद्यकीय तज्ज्ञांचे मत घेतल्यानंतर संबंधितांवर निष्काळजीपणाचा ठपका ठेवत गुन्हा दाखल करण्यात आला आहे. पुढील तपास सुरू आहे.
सकपाळ यांच्या निरर्थक आणि बिनबुडाच्या आरोपांवर खासदार डॉ. ज्योती वाघमारे यांचा जोरदार घणाघात मुंबई: काँग्रेसचे प्रदेशाध्यक्ष…
शिक्रापुर (अक्षय टेमगिरे) शिरुर तालुक्यातील कोंढापुरी येथे आज बुधवार (दि २१) रोजी सकाळी सातच्या सुमारास…
श्रीगोंदा (विशेष प्रतिनिधी) घोड धरणाच्या बॅकवॉटरमध्ये गेल्या पाच वर्षांपासून रात्रंदिवस बेकायदशीर वाळू उपसा सुरु असून,…
शिरुर (तेजस फडके) शिरुर तालुक्यातील सरदवाडी येथील राजहंस लॉजमध्ये महिलेकडून वेश्याव्यवसाय करवून घेतला जात असल्याची…
मुंबई: राज्यातील दुष्काळाच्या पार्श्वभूमीवर शिवसेनेने यंदाचा दसरा मेळावा संकटग्रस्त शेतकऱ्यांना समर्पित केला आहे. गोरेगाव येथील…
धाराशिव जिल्ह्यातील पाणी, चारा टंचाईवर उपाययोजनांच्या प्रभावी अंमलबजावणीचे डॉ. राजेश देशमुख यांचे निर्देश धाराशिव: जिल्ह्यातील…