कारेगाव (तेजस फडके) आशिया खंडातील पंचंतारांकित औद्योगिक वसाहत म्हणुन ओळख असलेल्या रांजणगाव औद्योगिक वसाहतीचे प्रवेशद्वार म्हणुन ओळखल्या जाणाऱ्या पुणे-नगर महामार्गावर असलेल्या कारेगाव येथील यश इन चौकात खुले आम वेश्या व्यवसाय चालु असुन रांजणगाव पोलिस स्टेशन आणि उपविभागीय कार्यालय येथुन हाकेच्या अंतरावर असताना या ठिकाणी नक्की कुणाच्या आशिर्वादाने…? हा वेश्या व्यवसाय चालु आहे अशी दबक्या आवाजात सगळीकडे चर्चा सुरु आहे.
रांजणगाव पोलिस स्टेशन हद्दीत यापुर्वीही यश इन चौकात असणाऱ्या एका चार मजली इमारतीत वेश्या व्यवसाय चालु होता. त्यावर पुणे ग्रामीण अधिक्षक कार्यालयातील एका अधिकाऱ्याने कारवाई करत त्या इमारतीच्या मालकांवर गुन्हा दाखल केला होता. त्यानंतर काही दिवस सगळीकडे शांतता होती. परंतु रांजणगाव पोलिस स्टेशनच्या हद्दीतील एका हॉटेल मध्ये परत एकदा वेश्याव्यवसाय सुरु झाला असल्याची खात्रीलायक माहिती असुन यावर रांजणगाव पोलिस कारवाई करणार का…? असा प्रश्न सर्वसामान्य नागरिक विचारत आहेत.
यश इन चौक झालाय अवैध व्यवसायांचा अड्डा…?
रांजणगाव पोलिस स्टेशन हद्दीत सध्या गुटका, मटका, गावठी दारु तसेच गांजा विक्री असे अनेक अवैध व्यवसाय सुरु आहेत. तसेच येथे मोठे दारुविक्री करणारे दुकान असल्याने सायंकाळच्या वेळेस यश इन चौकात मोठया प्रमाणात तळीरामांची गर्दी असते. त्याच्याच काही अंतरावर खुलेआम वेश्या व्यवसाय सुरु असल्याने या ठिकाणी औद्योगिक वसाहतीत काम करणाऱ्या महिला कामगारांची विनाकारण कुचंबना होते.
सामाजिक कार्यकर्त्याचे निवेदन पण परिस्थिती ‘जैसे थे’
याबाबत काही दिवसांपुर्वी एक सामाजिक कार्यकर्ता असलेल्या महिलेनी शिरुरचे उपविभागीय अधिकारी आणि रांजणगाव पोलिस स्टेशनला याबाबत निवेदन दिले होते. त्यानंतर काही दिवस हा सगळा प्रकार थांबला होता. परंतु त्यानंतर पुन्हा परिस्थिती ‘जैसे थे’ झाली आहे. विशेष म्हणजे याच ठिकाणाहुन पोलिस स्टेशनला जाण्या-येण्याचा रस्ता आहे. अनेक पोलिस कर्मचारी तसेच अधिकारी अनेकवेळा येथूनच पोलिस स्टेशनला जात असतात. मग त्यांना हा सगळा गैरप्रकार दिसत नाही का…? किंवा हा सगळा गैरप्रकार दिसुनही पोलिस त्याकडे जाणीवपुर्वक दुर्लक्ष तर करत नाहीत ना…? अशीही दबक्या आवाजात सगळीकडे चर्चा सुरु आहे.
शिरुर; ट्रक मालक-चालकाने केला आठ लाख रुपयाच्या कांदयाचा अपहार; गुन्हा दाखल
गुनाट गावच्या सरपंचपदी रामदास काकडे यांची निवड; प्रदीप कंद गटाकडे सत्ता कायम…
एक आरोपी हरियाणातून, तर दुसरा विश्रांतवाडीतून जेरबंद; ३ लाखांचा मुद्देमाल हस्तगत शिक्रापूर (अक्षय टेमगिरे): शिरूर…
सामान्यपणे जेव्हा एखाद्या व्यक्तीला जखम झाली किंवा कुठं खरचटलं तर रक्त निघतं. हे रक्त निघणं…
कडूलिंबाचा प्राचीन काळापासून आयुर्वेदिक औषधी म्हणून वापर होत आहे. हे एक असं झाड आहे, जे…
केवळ जेवणाची वेळ बदलली तरी अनेक आजार बरे होतात, बरे नाही, निघूनच जातात कायमचे. त्यासाठी…
‘आरक्षणाच्या जागा कमी झाल्यास मुख्यमंत्री आणि दोन्ही उपमुख्यमंत्री जबाबदार’; ओबीसींच्या राजकीय प्रतिनिधित्वासाठी केंद्राकडे पाठपुराव्याची मागणी…
२० नगरसेवकांचे ठरावाला समर्थन; गादियांसह राष्ट्रवादीच्या सहा नगरसेवकांचा सभात्याग शिरूर (तेजस फडके): शिरूर नगरपरिषदेच्या राजकारणात…