करंदीकरांनी अनुभवला रात्रीचा संशयित चोरट्यांचा थरार

संशयितांच्या केलेल्या पाठलागातील अपघातात एकाचा मृत्यू दोघे गंभीर

शिक्रापूर (शेरखान शेख): करंदी (ता. शिरुर) येथे रात्री दीड वाजता दिसलेल्या संशयित युवकांचा पाठलाग करत असताना झालेल्या अपघातात एक युवक मयत तर दोघे गंभीर जखमी झाले असून यामध्ये दोघे रेकॉर्ड वरील गुन्हेगार असल्याचे समोर आले आहे.

करंदी (ता. शिरुर) येथे रात्री दीड वाजण्याच्या सुमारास तीन युवक एका दुचाकीवरुन काही संशयित युवक जातान दिसले यावेळी गावातील काही युवकांनी त्यांचा एम एच १२ यु सि ४३५८ या स्विफ्ट कार मधून पाठलाग सुरु केला. त्यावेळी काही अंतर गेल्यानंतर सदर युवकांचा अपघात होऊन तिघे गंभीर जखमी झाले.

घटनेची माहिती मिळताच शिक्रापूर पोलीस स्टेशनच्या पोलीस उपनिरीक्षक माधुरी झेंडगे, पोलीस हवालदार शंकर साळुंके, श्रीमंत होनमाने, पोलीस नाईक रोहिदास पारखे, पोलीस पाटील वंदना साबळे, सामाजिक कार्यकर्ते महेश साबळे यांसह आदींनी घटनास्थळी धाव घेत येथील सोनू फिरोज गुडदावत, राजपाल कांतीलाल शेरावत व मंगल बजरंग नानावत या तिघांना येथील मिलिंद ढोकले, वैभव ढोकले, गौरव ढोकले, किरण ढोकले, आकाश ढोकले, गोरक्ष ढोकले, शंकर जांभळकर यांच्या मदतीने शिक्रापूर ग्रामीण रुग्णालयात उपचारासाठी पाठवून दिले.

मात्र यापैकी राजपाल कांतीलाल शेरावत रा. शेरेवस्ती धानोरे ता. शिरुर जि. पुणे या युवकाचा मृत्यू झाला तर सोनू फिरोज गुडदावत रा. भुजबळ वस्ती सणसवाडी (ता. शिरुर) जि. पुणे व मंगल बजरंग नानावत रा. वढू बुद्रुक (ता. शिरुर) जि. पुणे हे दोघे गंभीर जखमी झाले आहे.

याबाबत करंदीच्या पोलीस पाटील वंदना महेश साबळे (वय ४2) रा. करंदी (ता. शिरुर) जि. पुणे यांनी शिक्रापूर पोलीस स्टेशन येथे खबर दिली असून पुढील तपास पोलीस निरीक्षक हेमंत शेडगे यांच्या मार्गदर्शनाखाली सहाय्यक पोलीस निरीक्षक वैभव पवार व पोलीस शिपाई नीरज पिसाळ हे करत आहे.

मयत युवकासह एक सराईत गुन्हेगार…

करंदी (ता. शिरुर) येथील घडलेल्या घटनेतील राजपाल शेरावत हा एका खुनाच्या गुन्ह्यातील आरोपी असून तो फरार होता. तसेच मंगल नानावत जा देखील काही गुन्ह्यातील आरोपी असल्याने या प्रकारातील दोघे सराईत गुन्हेगार असल्याचे शिक्रापूर पोलिसांनी सांगितले.