रांजणगाव गणपती (किरण पिंगळे-शेलार): दर्पणकर बाळशास्त्री जांभेकर पत्रकार संघ आणि कृतिका महिला बहुउद्देशीय संस्थेच्या संयुक्त विद्यमाने जागतिक महिला दिनाचे औचित्य साधून रविवार (दि १०) मार्च रोजी नाशिक येथे वुमन स्टार रायझिंग अवॉर्ड या राष्ट्रीय पुरस्कार वितरण सोहळ्याचे आयोजन करण्यात आले होते. या कार्यक्रमात कारेगाव येथील उद्योजिका अश्विनी रोहिदास जाधव यांचा वुमन स्टार रायझिंग ब्युटीशियन अवॉर्ड 2024 या प्रतिष्ठेच्या पुरस्काराने मान्यवरांच्या हस्ते सन्मान करण्यात आला.
जागतिक महिला दिनाचे औचित्य साधुन नाशिकच्या कॉलेज रोडवरील गुरुदक्षिणा संकुलामधील पालाश सभागृहात संपन्न झालेला हा कार्यक्रम अतिशय उत्साहपूर्ण वातावरण व महिलांच्या लक्षणीय उपस्थितीत संपन्न झाला. यावेळी विविध क्षेत्रात उल्लेखनीय कार्य करणाऱ्या कर्तृत्ववान महिलांचा वुमन स्टार रायझिंग अवॉर्ड या पुरस्काराने मान्यवरांच्या हस्ते सन्मान करण्यात आला.
या कार्यक्रमाला ग्राहक रक्षक समितीचे राष्ट्रीय अध्यक्षा डॉ. आशा पाटील, नाळ चित्रपटाच्या लोकप्रिय अभिनेत्री देविका दप्तरदार, मिसेस इंडिया इंटरनॅशनल २०२४ च्या विजेत्या ज्योती शिंदे, सहकार भारतीच्या महाराष्ट्र प्रदेशाध्यक्ष डॉ. शशी अहिरे, कलासाई पैठणीच्या संचालिका अश्विनी शिंदे, मंत्राज ग्रीन रिसर्च लि. चे अध्यक्ष डॉ. यु. के. शर्मा, सामाजिक कार्यकर्ते व पेन एज्युकेशन सोसायटीचे अध्यक्ष अॅड मंगेश नेने, लोकप्रिय जादूगर व डॉ. पल्लवी कासलीवाल आदी मान्यवर प्रमुख पाहुणे म्हणून उपस्थित होते. यावेळी प्रास्ताविक कार्यक्रमाचे आयोजक डॉ. महेंद्र देशपांडे सुत्रसंचालन भावना कुलकर्णी, तर आभार कृतिका मराठी यांनी मानले.
गृहिणी ते पुरस्कार विजेती उद्योजिका…
कारेगाव येथील अश्विनी रोहिदास जाधव या गेले पाच वर्षे ब्युटीपार्लर व्यवसायात काम करत असुन त्यांचं तीन वर्षांपासुन कारेगाव येथील हनुमान मंदिराच्या जवळ ग्रामपंचायतच्या गाळ्यात AJ पार्लर या नावाने व्यवसाय चालु आहे. त्यांना वुमन स्टार रायझिंग ब्युटीशियन अवॉर्ड 2024 चा पुरस्कार मिळाला. अश्विनी यांनी अत्यंत प्रतिकुल परीस्थितीत स्वतःचा पार्लर व्यवसाय उभा केला आहे. त्यासाठी त्यांना कुटुंबियांपैकी आई सुरेखा शिंदे, वडील रामदास शिंदे, भाऊ सागर शिंदे तसेच कारेगावच्या सामाजिक कार्यकर्त्यां मिना गवारे यांचा कायमच पाठिंबा मिळाला असल्याचे अश्विनी जाधव यांनी सांगितले.
शिरुर (तेजस फडके) शिरुर शहरातील लाटेआळी-आंबेडकरनगर परिसरात शुक्रवारी (१८) सकाळी साडे-सहाच्या सुमारास झालेल्या गोळीबारात हरिष…
शिरुर (तेजस फडके) घोड धरणाच्या परिसरात दिवसाढवळ्या बेकायदेशीर वाळूउपशाचा धडाका सुरुच असुन घोड धरणाच्या सुरक्षेचा…
रांजणगाव गणपती (तेजस फडके) रांजणगाव गणपती गावच्या हद्दीत जुन्या भांडणाच्या कारणावरुन एका १९ वर्षीय तरुणासह…
शिरूर (तेजस फडके): शिरूर शहरात शुक्रवारी (ता. १८) पहाटेच्या सुमारास गोळीबाराची धक्कादायक घटना घडल्याने परिसरात…
शिरूर (तेजस फडके) : शिरूर शहरातील लाटेआळी आंबेडकर नगर परिसरात आज (शुक्रवार) सकाळी साडेसहाच्या सुमारास…
मथुरा : गोवर्धन पर्वताला प्रदक्षिणा घालत असलेल्या एका महिलेने भिक्षा देण्यास नकार दिल्याने संतापलेल्या भिकाऱ्याने…