रांजणगाव गणपती (तेजस फडके) कोणत्याही सोसायटीची अर्थिक वसुली साधारणतः जून महिन्यात पुर्ण होत असती , माञ रांजणगाव गणपती येथील विविध कार्यकारी सहकारी सोसायटीच्या इतिहासात प्रथमच सन २०२३-२४ ची बँक पातळीवरील वसुली मार्च २०२४ अखेर 100 टक्के वसुली झाली असुन विकासोच्या नवीन इमारतीसाठी 34 लाख रुपयांची मुदत ठेव (Fix Deposit) रांजणगाव येथील पुणे जिल्हा मध्यवर्ती बँकेत ठेवण्यात आल्याची माहिती सोसायटीचे चेअरमन बापुसाहेब शिंदे यांनी दिली.
रांजणगाव गणपती विविध विकास सेवा कार्यकारी सोसायटीची स्थापना १९२१ साली स्थापन झाली आहे. तेव्हापासुन आजपर्यंत प्रथमच सोसायटीने ३४ लाख रुपयांची मुदत ठेव (Fix Deposit) सोसायटीच्या नवीन कार्यालयाच्या बांधकामासाठी पुणे जिल्हा बँकेच्या रांजणगाव शाखेत करण्यात आली असल्याचे चेअरमन बापुसाहेब शिंदे यांनी सांगितले.
तसेच लवकरच विविध कार्यकारी सहकारी सोसायटीच्या वतीने विविध उद्योग व्यवसाय चालु करण्याचा विचार आहे. त्यामध्ये जेनेरिक मेडीकल केंद्र, शासनाच्या अनुषंगाने ई कृषीसेवा केंद्र, नागरी सुविधा केंद्र सुरु करणार असल्याचे शिंदे यांनी सांगितले. तसेच या कामांसाठी सोसायटीचे सर्व संचालक मंडळ, पुणे जिल्हा मध्यवर्ती बँकेचे रांजणगाव शाखेचे विकास अधिकारी सचिन मांढरे, सोसायटीचे सचिव दिलीप रघुनाथ पुणेकर व मदतनीस आरती दत्ताञय गोरे यांचे मोलाचे योगदान लाभले असल्याचे यावेळी शिंदे म्हणाले.
बापुसाहेब शिंदे यांच्या कार्यकाळात सोसायटी नफ्यात…
शिरुर तालुक्यात प्रथमच रांजणगाव सोसायटीचे चेअरमन बापुसाहेब शिंदे यांनी मार्च मध्ये सोसायटीचे कर्ज जुने -नवे करण्यासाठी तसेच सोसायटीची वसुली 100 टक्के व्हावी. यासाठी शेतकऱ्यांना स्वतःच्या खिशातुन आर्थिक मदत केली होती. त्यामुळे 100 टक्के वसुली झाल्याने सोसायटी नफ्यात आली. सोसायटी नफ्यात आल्याने रांजणगाव सोसायटीच्या नवीन कार्यालयाच्या बांधकामासाठी प्रथमच ३४ लाख रुपयांची मुदत ठेव (Fix Deposit) पुणे जिल्हा बँकेच्या रांजणगाव शाखेत ठेवण्यात आली आहे. त्यामुळे बापुसाहेब शिंदे यांच्यासारखा दूरदृष्टी असणारा चेअरमन तालुक्यातील प्रत्येक गावच्या सोसायटीला लाभल्यास विविध कार्यकारी सहकारी सोसायट्या आर्थिक सक्षम होतील यात तिळमात्र शंका नाही.
शिक्रापुर (अक्षय टेमगिरे) पुणे-नगर महामार्गावर अपघातांची मालिका काही केल्या थांबत नसुन शिक्रापुर (ता. शिरुर) येथील…
शिरुर (तेजस फडके): शिरुर तालुक्याच्या पुर्व भागातील शिंदोडी गावात घोड नदीलगत असणाऱ्या शेतात काळी माती…
मुंबई: सहकार, पणन आणि कृषी व्यवसाय क्षेत्रासाठी प्रशिक्षित व सक्षम मनुष्यबळ तयार करण्याच्या दृष्टीने पुणे…
मुंबई: कोकणातील आंबा व काजू उत्पादक शेतकऱ्यांना भाजपा महायुती सरकारने वाऱ्यावर सोडले असून त्यांना काहीही…
मुंबई: राज्यातील शासकीय अधिकारी व कर्मचाऱ्यांसाठी बांधण्यात येणाऱ्या निवासस्थानांच्या चटई क्षेत्रफळात वाढ करण्याचा महत्त्वपूर्ण निर्णय…
शिरूर (अरुणकुमार मोटे): शिरूर शहर व परिसरात दिवसेंदिवस वाढत चाललेल्या गुन्हेगारीच्या पार्श्वभूमीवर अखेर नागरिकांच्या सुरक्षिततेचा…