रांजणगाव गणपती (तेजस फडके) रांजणगाव गणपती येथील पंचवार्षिक निवडणुकीसाठी आज (दि 5) मतदान प्रक्रिया सुरळीतपणे व शांततेत पार पडली आहे. या निवडणुकीसाठी मतदारांनी आपला मतदानाचा हक्क बजावला असुन एकुण 85.27 टक्के मतदान झाले असल्याचे निवडणुक निर्णय अधिका-यांनी सांगितले.
रांजणगाव गणपती ग्रामपंचायतींच्या सरपंच पदासाठी एकुण नऊ उमेदवारांचे भवितव्य मतपेटीत बंद झाले आहे. सरपंच पदासाठी अनुसुचित जाती महिला प्रवर्ग असे आरक्षण आहे. तर ग्रामपंचायत सदस्यपदासाठी अपक्षांसह 39 उमेदवार रिंगणात होते.
रांजणगाव गणपती येथील वार्ड निहाय मतदानाची आकडेवारी पुढीलप्रमाणे वार्ड क्रमांक एक ८९७ पैकी ७८७ मतदान, वार्ड क्रमांक दोन १४२० पैकी ११२५, वार्ड क्रमांक तीन ११०८ पैकी ९८४ वार्ड क्रमांक चार ६८५ पैकी ६०३ , वार्ड क्रमांक पाच १३८१ पैकी ११९६ , वार्ड क्रमांक सहा १४४५ पैकी १२१८ असे एकूण ६९३४ मतदारांपैकी ५९१३ मतदारांनी आपला मतदानाचा हक्क बजावला आहे.
दरम्यान कर्डेलवाडी (ता. शिरुर) येथे १२८० पैकी १०९७ मतदान झाले. या ग्रामपंचायत च्या सरपंच पदासाठी ओबीसी महिला हे आरक्षण असुन चार महिलांनी सरपंच पदाची निवडणुक लढवली आहे.
तसेच कारेगाव ता. शिरुर येथील झालेल्या पोटनिवडणुकीत वार्ड नंबर २ च्या ६८१ मतदारांपैकी ६०३ मतदारांनी आपला मतदानाचा हक्क बजावला आहे. या निवडणुकीत शेवाळे विरुद्ध गवारे अशी लढत झाली.
रांजणगाव गणपती , कारेगाव व कर्डेलवाडी ग्रामपंचायत निवडणुकीसाठी प्रशासनाने उत्तम रितीने तयारी केली होती. निवडणुक प्रक्रिये दरम्यान कूठलाही अनुचित प्रकार घडू नये म्हणून रांजणगाव एमआयडीसी पोलीसांच्या वतीने चोख पोलीस बंदोबस्त ठेवण्यात आला होता. उपविभागीय पोलीस अधिकारी यशवंत गवारी व पोलीस निरीक्षक महेश ढवाण यांच्या मार्गदर्शनानुसार हा पोलीस बंदोबस्त ठेवण्यात आला होता.
मुंबई: महाराष्ट्रात सुरू असलेल्या SIR (Special Intensive Revision) मोहिमेत मोठ्या संख्येने मतदारांची नावे प्रारूप मतदार…
मुंबई : राज्यातील सहकारी साखर कारखान्यांना आगामी गाळप हंगामाच्या पूर्वतयारीसाठी तसेच शेतकऱ्यांना एफआरपीची रक्कम वेळेत अदा…
मुंबई: बीड जिल्ह्यासह संपूर्ण मराठवाड्याच्या विकासासाठी महत्त्वपूर्ण ठरणारी बीड–पुणे रेल्वे सेवा येत्या १७ सप्टेंबर रोजी…
मुंबई: सर्वोच्च न्यायालयात शिवसेना पक्ष आणि धनुष्यबाण चिन्हासंदर्भातील सुनावणी निर्णायक टप्प्यात पोहोचली असून, आजपासून शिंदे…
Pपुणे : महाराष्ट्राच्या समृद्ध सांस्कृतिक आणि आध्यात्मिक परंपरेत अष्टविनायक यात्रेला अनन्यसाधारण महत्त्व आहे. श्रीगणेशाची आठ…
नवी दिल्ली: “बाळासाहेब ठाकरे यांना धनुष्यबाण प्राणाहून प्रिय होता. ते देव्हाऱ्यात धनुष्यबाणाची पूजा करायचे. मात्र, २०१९…