शिरुर येथुन अचानक आई व मुलगा बेपत्ता, पोलिस स्टेशनमध्ये हरविल्याची तक्रार दाखल; पतीचे गंभीर आरोप

शिरुर (अरुणकुमार मोटे) रामलिंग (ता.शिरुर) येथुन सुमन सखाराम साळवे (वय ४४) व त्यांचा मुलगा जिवन सखाराम साळवे (वय १८ ) हे दोघेही (दि ३) ऑगस्ट रोजी दुपारी २ वाजता राहत्या घरातुन कोणाला काहीही न सांगता निघुन गेले असल्याने शिरुर पोलिस स्टेशन येथे रीतिक सखाराम साळवे यांनी आई व भाऊ हरविल्याची तक्रार दाखल केली आहे. या घटनेचा पुढील तपास पोलिस नाईक शिंदे हे करत आहेत.

 

मिसींग व्यक्तीचे नाव व वर्णन 

आईचे वर्णन पुढीलप्रमाणे… 

सुमन सखाराम साळवे (वय ४४वर्ष ) रा. रामलिंग, ता. शिरुर, जि. पुणे, रंग काळा-सावळा, चेहरा गोल, केस काळे लांबसडक, उंची ५ फुट ,अंगात चुडीदार, पायात चप्पल, कानामध्ये सोन्याची रिंग, पायामध्ये पैंजन व जोडवे, कपाळावरती लाल रंगाची टिकली

 

मुलाचे वर्णन पुढीलप्रमाणे…

जिवन सखाराम साळवे (वय १८ वर्ष) रा. रामलिंग ता. शिरुर, जि.पुणे रंगाने काळा सावळा, चेहरा गोल, केस काळे व मध्यम उंची ५फुट ५ इंच, नेसणीस काळ्या रंगाची ट्रॅक पॅन्ट व फुलबाहयाचा शर्ट,

सदरच्या दोन्ही व्यक्ती आढळल्यास त्वरीत शिरुर पोलिस स्टेशनशी संपर्क करण्याचे आवाहन शिरुर पोलिसांनी केले आहे.

 

ते दोघेही मानसिक त्रासामुळे घर सोडुन गेले…?

सुमन सखाराम साळवे यांचे पती सखाराम साळवे यांनी “शिरुर तालुका डॉट कॉम” च्या प्रतिनिधी संपर्क साधत रामलिंग परीसरातील एका नामांकित ‘इंग्लिश मिडीयम’ शाळेतील काही शिक्षक आणि कर्मचाऱ्यांनी माझी पत्नी व मुलगा यांचा गेले अनेक दिवस मानसिक छळ चालविला होता असा गंभीर आरोप केला आहे. तसेच सुमन साळवे या घरातुन निघुन गेल्यानंतर त्यांनी आपले पती सखाराम साळवे यांना ‘व्हाटस ऍप’ वर मेसेज पाठवला असुन त्यात रामलिंग परीसरात असलेल्या एका नामांकित ‘इंग्लिश मिडीयम’ शाळेतील शिक्षकांनी कसा त्रास दिला याबाबत सविस्तर खुलासा केला असुन तो मेसेज “शिरुर तालुका डॉट कॉम” ला प्राप्त झाला आहे.