Video; शिरुर वीज वितरण कार्यालयातुन ३२ हजारांचे साहित्य चोरीला CCTV मध्ये चोरटा कैद

शिरुर (अरुणकुमार मोटे) शिरुर शहरातील महाराष्ट्र राज्य वीज वितरण कंपनीच्या कार्यालयातून तब्बल ३२ हजार रुपयांचे विद्युत साहित्य चोरीला गेल्याची धक्कादायक घटना समोर आली आहे. याप्रकरणी मानसिंग जगदीश नेवसे (वय ३५, रा. छत्रपती कॉलनी, शिरुर) यांनी फिर्याद दिली असून, शिरुर पोलीस ठाण्यात अज्ञात चोरट्याविरुद्ध गुन्हा दाखल करण्यात आला आहे.

सदरची घटना दि. ४ मे २०२५ रोजी सायंकाळी ६ ते ५ मे रोजी पहाटे २.४१ च्या दरम्यान घडली. विज वितरण कंपनीचे कार्यालय नियमितप्रमाणे ४ मे रोजी बंद करून कर्मचारी घरी गेले होते. दुसऱ्या दिवशी ५ मे रोजी सकाळी ९ .३० वाजता कार्यालय उघडल्यानंतर सहाय्यक अभियंता वैभव बारवकर यांच्या लक्षात आले की, कार्यालयाबाहेर ठेवलेला अल्युनियम कंडक्टर आणि १२० एम.एम. केबल गायब आहे. तत्काळ CCTV फुटेज तपासण्यात आले असता, ५ मे च्या रात्री २:३० वाजता एक अनोळखी इसम मोटारसायकलवर येऊन कार्यालयाच्या परिसरात प्रवेश करताना व चोरलेला माल मोटारसायकलवर बांधून नेताना दिसून आला.

चोरीस गेलेल्या मालामध्ये अंदाजे २८ हजार रुपये किमतीचा अल्युनियम कंडक्टर आणि १२ हजार रुपये किमतीच्या १२० एम.एम. केबल यांचा समावेश असून एकूण मालाची अंदाजित किंमत ३२ इतकी आहे. संबंधित माल परवानगीशिवाय नेल्यामुळे संबंधितावर चोरीचा गुन्हा दाखल करण्यात आला आहे.

या प्रकरणाचा तपास शिरूर पोलीस स्टेशनचे पोलिस हवालदार खेडकर करत असून, CCTV फुटेजच्या आधारे आरोपीचा शोध घेण्यात येत आहे. शिरूर पोलीस अधिक तपास करत असून लवकरच आरोपीला अटक करण्यात येईल, अशी माहिती पोलिसांकडून देण्यात आली आहे.

शिरुर तालुक्यात शेतीच्या वादातुन मारहाण; दोन जणांवर गुन्हा दाखल

शिरुर; कारभारणीच्या नथीतुन तीर मारणाऱ्या ‘महाशयां’ च्या पाठीमागचा ‘आका’ नक्की कोण…?

शिरुर; चार वर्षात सरपंच फक्त नामधारी ग्रामपंचायतच्या प्रत्येक निर्णयामध्ये त्या ‘महाशयां’ चीचं लुडबुड…?

शिरुर; कारभारनीच्या नथीतुन तीर मारणाऱ्या महिला सरपंचाच्या पतीची मेहुण्याच्या नावावर MIDC मध्ये दहशत…?