यंदाचा गणेशोत्सव निर्भयपणे साजरा करा:- यशवंत गवारी

रांजणगाव गणपती (तेजस फडके) काही दिवसांवर येऊन ठेपलेल्या गणेशोत्सवाच्या पार्श्वभूमीवर रांजणगाव MIDC हद्दीतील गावांच्या गणेश मंडळांचे अध्यक्ष, उपाध्यक्ष गावातील पदाधिकारी तसेच पोलीस पाटलांची आज (दि 23) रोजी शिरुरचे उपविभागीय अधिकारी यशवंत गवारी यांच्या अध्यक्षतेखाली रांजणगाव MIDC पोलीस ठाण्यात बैठक घेण्यात आली. त्यावेळी पोलीस निरीक्षक बलवंत मांडगे उपस्थित होते.

यावेळी बोलताना यशवंत गवारी म्हणाले, गणेशोत्सव साजरा करताना गणेश मंडळाच्या कार्यकर्त्यांनी स्वयंसेवक नेमावेत, मंडप टाकताना वाहतुकीस अडथळा होणार नाही याची काळजी घ्यावी. कोणाच्याही धार्मिक भावना दुखावणार नाहीत याची काळजी घ्यावी, समाज प्रबोधनपर देखावे सादर करावेत, तसेच मोठया गणेश मंडळांनी उत्सवाच्या दरम्यान कोणताही अनुचित प्रकार घडू नयेत यासाठी CCTV बसवावेत आणि कोणत्याही व्यक्तीस वर्गणीची सक्ती करु नये अशा सुचना गवारी यांनी यावेळेस सर्वांना दिल्या.

या बैठकीला रांजणगाव MIDC पोलीस ठाण्याच्या हद्दीत येणाऱ्या गावातुन 80 ते 90 जण उपस्थित होते. पोलीस अंमलदार ब्रम्हा पोवार यांनी सूत्रसंचालन केल तर विलास आंबेकर यांनी आभार मानले.