चिमूटभर हळद घेऊन ‘या’ पद्धतीने ब्रश करा- दातांना किड लागणार नाही

आपल्याला माहितीच आहे की वेगवेगळ्या प्रकारच्या टूथपेस्टचा शोध मागील काही दशकांमध्ये लागला आहे. त्यापूर्वी कडुलिंबाची काडी किंवा त्यासारख्या काही नैसर्गिक पदार्थांचा वापर करूनच दात स्वच्छ केले जायचे. पण नंतर मात्र टूथपेस्टचा शोध लागला आणि हे घरगुती नैसर्गिक उपाय आपण विसरून गेलो. महागड्या टूथपेस्ट आणूनही दातांच्या कित्येक समस्या कमी होतीलच असे नाही म्हणूनच तज्ज्ञांनी असा काही उपाय सुचवला आहे जो आपण घरच्याघरी करू शकतो आणि त्यामुळे दातांचं दुखणं, हिरड्यांचं दुखणं, दाताला कीड लागणे, दात पिवळे होणे, असे अनेक त्रास कमी होऊ शकतात.

दात आणि तोंडाचे विकार होऊ नये म्हणून घरगुती उपाय 

दात आणि तोंडाचे कोणतेही विकार होऊ नयेत यासाठी कोणता घरगुती उपाय करता येऊ शकतो.

दाट, लांब केसांसाठी मृणाल ठाकूर करते ‘हा’ उपाय- म्हणते माझ्या केसांना एक्सटेंशनची गरजच नाही.

हा उपाय करण्यासाठी तुमच्या तळहातावर २ चिमूट हळद घ्या. त्यामध्ये १ चिमूटभर मीठ घाला आणि मोहरीच्या तेलाचे ५ ते ६ थेंब घाला. त्यावर १ ते २ थेंब लिंबाचा रस घाला. आता हे सगळे पदार्थ व्यवस्थित हलवून घ्या आणि ते तुमच्या टूथब्रशला लावून त्याने दात घासा.

दात अतिशय स्वच्छ निघतात. तसेच तोंडाची दुर्गंधी कमी होते. काही दिवस हा घरगुती उपाय करून पाहिला तर महागड्या टूथपेस्ट ऐवजी तुम्हाला हाच उपाय आवडू लागेल.

अगदी रोज जरी हा उपाय करणं शक्य झालं नाही तरी आठवड्यातून ३ ते ४ वेळा या पद्धतीने ब्रश करा. लहान मुलांनाही तशी सवय लावा जेणेकरून त्यांचं दातही किडणार नाहीत. मजबूत राहतील.

(सोशल मीडियावरून साभार)