वयोमानाप्रमाणेच आपल्या त्वचेत देखील बदल होत जातात. वय वाढलं की त्वचेच्या अनेक समस्या सतावू लागतात. पिगमेंटेशन, डार्क सर्कल्स तर वाढतातच पण आणखी एक समस्या बहुतांशजणींना त्रास देते, ती म्हणजे त्वचेवर वाढू लागले ओपन पोअर्स. विशेषत: गालावर तर ओपन पोअर्स खूप जास्त स्पष्टपणे दिसून येतात.
आपल्या चेहऱ्याच्या त्वचेवर असे ओपन पोर्स दिसू लागले की, चेहऱ्यावरची कोमलता, नाजूकपणा जाऊन चेहरा जास्तच वयस्कर वाटू लागतो.
१) ओट्स – दही: त्वचेवरील ओपन पोर्स कमी करण्यासाठी आपण ओट्स आणि दही एकत्रित मिसळून स्क्रब तयार करू शकतो. या स्क्रबने मसाज केल्यास ओपन पोर्स स्वच्छ होतात तसेच ओपन पोर्सचा आकार बऱ्यापैकी कमी होतो आणि त्वचा कोमल दिसू लागते.
2) तांदुळाचे पीठ: गुलाबपाणी: तांदुळाचे पीठ आणि गुलाबपाणी हे उत्तम एक्सफॉलिएटर मानले जातात. तांदुळाच्या पिठामुळे सैल पडलेली त्वचा टाईट होण्यास मदत मिळते, तसेच ओपन पोर्सची समस्या देखील हळूहळू कमी होते. इतकेच नव्हे तर गुलाब पाण्यामुळे त्वचेला थंडावा मिळतो आणि त्वचा नैसर्गिक पद्धतीने मॉइश्चराइझ देखील केली जाते.
3) पपईचा गर: पपईचा गर हा ओपन पोर्सच्या समस्येवर अगदी उत्तम उपाय आहे. ताज्या पपईचा गर काढून ओपन पोर्स असलेल्या भागावर याने मसाज करावा. पपईमधील एन्झाइम्स ओपन पोर्स कमी करण्यास अधिक फायदेशीर ठरतात
4) कॉफी आणि मध: कॉफी आणि मध ओपन पोर्ससाठी अधिक फायदेशीर मानले जाते. यासाठी एका बाऊलमध्ये कॉफी पावडर घेऊन त्यात मध घालावे. कॉफी आणि मध यांच्या एकत्रित मिश्रणाने त्वचेला मसाज करून घ्यावा यामुळे ओपन पोर्स आतून स्वच्छ केले जातात. ओपन पोर्स बंद करण्यासाठी कॉफी आणि मध सर्वोत्तम मानले जाते.
५) ग्रीन टी आणि साखर: ग्रीन टी मध्ये भरपूर प्रमाणात अँटिऑक्सिडंट असतात जे त्वचेवरील ओपन पोर्स कमी करण्यास मदत करतात. साखर त्वचेला नैसर्गिक पद्धतीने स्क्रब करते. यामुळे ग्रीन टी आणि साखरेच्या मिश्रणाने ओपन पोर्सची समस्या कमी होण्यास मदत मिळते.
६) मसूर डाळ: त्वचेवरील ओपन पोर्स कमी करण्यासाठी मसूर डाळ वाटून त्याची पेस्ट तयार करावी. या पेस्टने ओपन पोर्सवर हलकेच मसाज करून घ्यावा. यामुळे ओपन पोर्स हळूहळू कमी होण्यास मदत मिळते.
७) मुलतानी माती आणि दूध: मुलतानी माती आणि दूध यांच्या एकत्रित मिश्रणाने त्वचेला मसाज करून घ्यावा. मुलतानी माती ओपन पोर्स आतून स्वच्छ करण्यास फायदेशीर ठरते. मुलतानी माती आणि दूध या फेसमास्कमुळे ओपन पोर्स हळूहळू कमी होतात.
(सोशल मीडियावरून साभार)
शिरुर (तेजस फडके): शिरुर तालुक्याच्या पुर्व भागातील शिंदोडी गावात घोड नदीलगत असणाऱ्या शेतात काळी माती…
मुंबई: सहकार, पणन आणि कृषी व्यवसाय क्षेत्रासाठी प्रशिक्षित व सक्षम मनुष्यबळ तयार करण्याच्या दृष्टीने पुणे…
मुंबई: कोकणातील आंबा व काजू उत्पादक शेतकऱ्यांना भाजपा महायुती सरकारने वाऱ्यावर सोडले असून त्यांना काहीही…
मुंबई: राज्यातील शासकीय अधिकारी व कर्मचाऱ्यांसाठी बांधण्यात येणाऱ्या निवासस्थानांच्या चटई क्षेत्रफळात वाढ करण्याचा महत्त्वपूर्ण निर्णय…
शिरूर (अरुणकुमार मोटे): शिरूर शहर व परिसरात दिवसेंदिवस वाढत चाललेल्या गुन्हेगारीच्या पार्श्वभूमीवर अखेर नागरिकांच्या सुरक्षिततेचा…
मुंबई: (१५ एप्रिल) सन २०२५-२६ या आर्थिक वर्षात महाराष्ट्र राज्य मार्ग परिवहन महामंडळाच्या (एसटी) आर्थिक…