NEET 2026 मध्ये बारामतीची श्रावणी देशात अव्वल; उपमुख्यमंत्री सुनेत्रा पवारांचा व्हिडिओ कॉलवरून गौरव

मुंबई: नीट (NEET) २०२६ परीक्षेत बारामतीच्या कुमारी श्रावणी कृष्णकांत कुदळे हिने ७२० पैकी ७१० गुण मिळवत महाराष्ट्रात प्रथम क्रमांक पटकावला आहे. याशिवाय संपूर्ण देशातील मुलींमध्ये प्रथम क्रमांक मिळवत तिने बारामतीसह महाराष्ट्राचे नाव उज्ज्वल केले आहे.

श्रावणीच्या या ऐतिहासिक यशाबद्दल महाराष्ट्राच्या उपमुख्यमंत्री सुनेत्रा अजितदादा पवार यांनी व्हिडिओ कॉलद्वारे तिच्याशी संवाद साधून मनःपूर्वक अभिनंदन केले. पुढील शैक्षणिक वाटचालीसाठी शुभेच्छा देत त्यांनी तिच्या उज्ज्वल भविष्यासाठी सदिच्छा व्यक्त केल्या.

यावेळी सुनेत्रा पवार यांनी श्रावणीच्या यशामागे मोलाचे योगदान देणाऱ्या शिक्षकांचेही अभिनंदन केले. तसेच, “दिवंगत लोकनेते अजितदादा पवार आज आपल्यात असते, तर त्यांनाही तुझ्या या यशाचा खूप अभिमान वाटला असता. त्यांचे आशीर्वाद सदैव तुझ्यासोबत आहेत,” अशा भावनिक शब्दांत त्यांनी श्रावणीला शुभेच्छा दिल्या.

बारामतीच्या कन्येच्या या यशामुळे संपूर्ण राज्यातून तिच्यावर अभिनंदनाचा वर्षाव होत असून, तिची कामगिरी इतर विद्यार्थ्यांसाठी प्रेरणादायी ठरत आहे.