मुंबई: महाराष्ट्र नवनिर्माण सेनेचे अध्यक्ष राज ठाकरे यांची (शुक्रवार) मीरा रोड येथे सभा झाली. यावेळी त्यांनी मराठीच्या मुद्य्यावर आक्रमक भूमिका मांडली. तसेच, हिंदी सक्तीवरून भाजपवर निशाणा साधला. यावेळी त्यांनी भाजपचे झारखंडमधील खासदार निशिकांत दुबे यांच्या पटक-पटक के मारेंगे या इशाऱ्यालाही जोरदार प्रत्युत्तरही दिलं.
राज ठाकरे म्हणाले, ”त्यादिवशी तो एक भाजपचा दुबे नावाचा खासदार काय बोलला? मराठी लोगो को हम यहापें पटक-पटक कर मारेंगे.. त्याच्यावर केस झाली का? हिंदी चॅनलवाल्यांनी काही दाखवलं का? पुढे चालवलं का? बघा कसे असतात.’तसंच तू आम्हाला पटक-पटक के मारणार? दुबेलाच मी सांगतो, दुबे तुम मुंबई मै आजाओ.. मुंबई के समुंदर मै डुबे डुबे कर मारेंगे.. यांना हिंमत होते बघा कशी.. तुम्ही जर काही बोललात तर त्याची राष्ट्रीय बातमी होते.. तुम्ही जर अमराठी माणसाबद्दल बोललात तर ती राष्ट्रीय बातमी..आणि हे जेव्हा बोलतात तेव्हा त्यांना माहिती असतं, सरकार त्यांच्या मागे आहे. कारण, सरकारच जर समजा या गोष्टी इथे लादत असेल, तर या लोकांची हिंमत तर वाढणारच आहे, असं राज ठाकरे म्हणाले.
याशिवाय ‘एक गोष्ट मी त्या दिवशी सांगितली आणि पुन्हा एकदा सांगतोय..तुमची सत्ता असेल ती लोकसभा आणि विधानभवनात, आमची सत्ता रस्त्यावरती आहे. काहीनाही ५६ इंचाची तुम्हीपण छाती बाहेर काढून फिरा..हा महाराष्ट्र आहे, तुमच्या बापाचा महाराष्ट्र आहे..परत कोणी जर महाराष्ट्रात वेडवाकडं वागण्याचा प्रयत्न केला, माझा महाराष्ट्र सैनिक त्याचा गाल आणि त्याचा हात या सगळ्या गोष्टींची युती झाल्याशिवाय राहणार नाही. असा कडक इशारा यावेळी राज ठाकरेंनी दिला.
तत्पुर्वी भाषणाच्या सुरुवातीलाच राज ठाकरे म्हणाले की, ‘कानावर मराठी समजत नसेल तर कानाखाली मराठीत सांगावं लागेल. मीरा भाईंदरमध्ये घडलेला प्रसंग छोटा होता. हिंदी सक्तीचा मोर्चा सुरु होता, त्यात व्यापाऱ्याने विरोध केला. त्यावर इथल्या व्यापाऱ्यांनी बंद करायची गरज नव्हती. तुम्हाला काय वाटतं, मराठी व्यापारी नाहीत. आम्ही काही घेतलं नाही तर तुमचं दुकान चालेल का? महाराष्ट्रामध्ये राहताय तर मराठी शिका, शांतपणे राहा. पण इथे मस्ती करणार असाल तर महाराष्ट्राचा दणका बसणार म्हणजे बसणार.’
पावसाळ्यात पावसामुळे निसर्ग मस्त हिरवेगार बनते, त्यासोबतच उन्हाळ्यानंतर आपल्याला मानसिक शांतीही मिळते. पण त्याचबरोबर पावसाळ्यात…
तब्येत सांभाळण्यासाठी लोकांना पुरेसा वेळ मिळत नाही. पण अनेकांना हे माहीत नसतं की, आयुर्वेदात अशा…
खूप मोबाईल किंवा टीव्ही पाहतात म्हणून फक्त लहान मुलांनाच दोष देऊन उपयोग नाही. कारण त्यांच्या…
दोषमुक्तीचा अर्ज उच्च न्यायालयाकडून फेटाळला नाशिक: युनियन बँक ऑफ इंडिया आणि बँक ऑफ महाराष्ट्र यांच्या…
अमरावती: शिक्षकांच्या प्रश्नांना सरकार प्राधान्य देईल आणि महायुतीचे उमेदवार किरण सरनाईक यांनी वचननाम्यात दिलेली आश्वासने…
अमरावती: देशातील लोकशाही व्यवस्था, भारतीय संविधान आणि बहुजन समाजाचे अधिकार सुरक्षित ठेवण्यासाठी काँग्रेस कार्यकर्त्यांनी निर्भीडपणे…