प्रवाशांकडून जबरदस्तीने टिप वसुली, अतिरिक्त शुल्काच्या सक्तीविरोधात परिवहन मंत्री प्रताप सरनाईक यांचे निर्देश
कल्याण: ॲप-आधारित टॅक्सी आणि राईड-हेलिंग सेवांद्वारे प्रवाशांकडून जबरदस्तीने टिप मागणे, अतिरिक्त शुल्काची सक्ती करणे आणि आर्थिक शोषणाच्या वाढत्या तक्रारींची गंभीर दखल घेत राज्याचे परिवहन मंत्री प्रताप सरनाईक यांनी संबंधित कंपन्यांवर कारवाई करण्याचे निर्देश परिवहन आयुक्तांना दिले आहेत.
कल्याण लोकसभा मतदारसंघाचे खासदार डॉ. श्रीकांत शिंदे यांनी सोशल मीडियाच्या माध्यमातून हा मुद्दा उपस्थित करत सरकारने तातडीने हस्तक्षेप करण्याची मागणी केली होती. प्रवास स्वीकारल्यानंतर अतिरिक्त रकमेची मागणी करणे, ती न दिल्यास राईड रद्द करणे किंवा प्रवाशांना मानसिक त्रास देणे अशा प्रकारांबाबत मोठ्या प्रमाणावर तक्रारी समोर येत होत्या.
या पार्श्वभूमीवर परिवहन मंत्री सरनाईक यांनी हा प्रकार ग्राहकविरोधी असल्याचे स्पष्ट करत संबंधित कंपन्यांच्या कारभाराची चौकशी करून आवश्यक ती कठोर कारवाई करण्याचे निर्देश दिले. तसेच ॲप-आधारित टॅक्सी सेवा क्षेत्रातील मनमानी रोखण्यासाठी राज्य सरकार लवकरच नवीन ॲग्रीगेटर धोरण जाहीर करणार असल्याची माहितीही त्यांनी दिली.खासदार डॉ. श्रीकांत शिंदे यांच्या पाठपुराव्यानंतर सरकारने तात्काळ पावले उचलल्याने राज्यातील लाखो प्रवाशांना दिलासा मिळण्याची अपेक्षा व्यक्त केली जात आहे.
न्हावरे (अक्षय टेमगिरे) शिरुर तालुक्यातील आंबळे येथे विवाहित महिलेचा शारीरिक व मानसिक छळ केल्याप्रकरणी पतीसह…
शिरूर (तेजस फडके) : शिरुर तालुक्यात अवैध धंद्यांविरोधात पोलिसांनी दोन स्वतंत्र कारवाया करत गावठी हातभट्टीची…
११५ कोटींच्या मालमत्ता जप्तीला शासनाची मंजुरी; ९८ जणांवर गुन्हे, हजारो गुंतवणूकदारांचे पैसे परत मिळण्याची प्रतीक्षा…
न्हावरे (अक्षय टेमगिरे) शिरुर तालुक्यात अवैध दारु विक्रीला आळा घालण्यासाठी शिरुर पोलिसांनी दोन वेगवेगळ्या ठिकाणी…
शिरुर (तेजस फडके) शिरुर तालुक्यात जागेच्या वादातून तसेच शेळ्या-मेंढ्या चारण्याच्या कारणावरुन मारहाणीच्या दोन स्वतंत्र घटना…
शिरुर (तेजस फडके) शिरुर पोलीस स्टेशनच्या हद्दीत वीजमीटरमध्ये छेडछाड करुन वीजचोरी केल्याप्रकरणी दोन स्वतंत्र गुन्हे…