मुंबई: पुणे येथील फिल्म अँड टेलिव्हिजन इन्स्टिट्यूट ऑफ इंडिया (एफटीआयआय) आणि दादासाहेब फाळके चित्रनगरी (फिल्म सिटी), मुंबई यांच्या संयुक्त विद्यमाने अभिनय, लघुपट कथा लेखन तसेच चित्रपट निर्मिती व चित्रपटसृष्टीतील करिअर संधी यावर आधारित अल्पकालीन अभ्यासक्रमवर्ग आयोजित करण्यात आले आहेत. हे अभ्यासक्रम २ ते १९ फेब्रुवारी २०२६ या कालावधीत दादासाहेब फाळके चित्रनगरीतील चित्रांगण सभागृहात होणार आहेत.
या उपक्रमामुळे चित्रपटसृष्टीत करिअर करण्याची इच्छा असलेल्या नवोदित व होतकरू तरुणांना व्यावसायिक मार्गदर्शनाची संधी मिळणार आहे.
२ ते ४ फेब्रुवारी दरम्यान सकाळी १० ते सायंकाळी ५ या वेळेत चित्रपट निर्मितीची कला आणि चित्रपटातील करिअर संधी या विषयावर अभ्यासक्रम होणार असून त्यासाठी शुल्क ३,५०० रुपये आहे.
५ ते ९ फेब्रुवारी या कालावधीत लघुपट कथा लेखनाबाबत प्राथमिक प्रशिक्षण देण्यात येणार असून या अभ्यासक्रमाचे शुल्क ११,००० रुपये आहे. या दोन्ही अभ्यासक्रमांचे सत्र संचालक म्हणून डॉ. मिलिंद दामले मार्गदर्शन करणार आहेत.
तसेच १० ते १९ फेब्रुवारी दरम्यान सुप्रसिद्ध अभिनेते डॉ. मिलिंद शिंदे यांच्या मार्गदर्शनाखाली मराठी भाषेत अभिनय प्रशिक्षण दिले जाणार असून या अभ्यासक्रमाचे शुल्क १७,००० रुपये निश्चित करण्यात आले आहे.
चित्रपट क्षेत्रात करिअर करू इच्छिणाऱ्या तरुणांसाठी हा उपक्रम उपयुक्त ठरणार असून प्रत्यक्ष व्यावसायिकांकडून प्रशिक्षण घेण्याची ही महत्त्वाची संधी आहे.
कोल्हापूर: घरगुती वादातून रागाच्या भरात घराबाहेर पडलेल्या ३२ वर्षीय तरुणाने बहिणीच्या डोळ्यांसमोर रुई येथील पंचगंगा…
परभणी: मराठा समाजाला न्याय देतानाच ओबीसी, बहुजन, आदिवासी आणि इतर सर्व समाजघटकांच्या हक्कांचे संरक्षण करून सर्वसमावेशक…
राष्ट्रवादी शरद पवार गटाचे ॲड. अमोल मातेले यांचा सरकारला इशारा; ‘उशिरा सुचलेले शहाणपण’ म्हणत जोरदार…
पवारांसोबत राहिलो असतो तर नुकसान झाले असते; खडसेंच्या अमृत महोत्सवी सोहळ्यात जुन्या राजकीय आठवणींना उजाळा…
सोलापूर: सोलापूर जिल्हा मध्यवर्ती सहकारी बँकेच्या (डीसीसी) आगामी संचालक मंडळाच्या निवडणुकीचे पडघम वाजू लागले असून…
निलंगा : भावाची प्रकृती खालावल्याचे समजताच त्याची विचारपूस करण्यासाठी गेलेल्या धाकट्या भावाची ती भेटच दोघांची…