सणसवाडीत विहिरीत पडलेल्या नागाला जीवदान

शिक्रापूर (शेरखान शेख): सणसवाडी (ता. शिरुर) येथील एका शेतातील विहिरीमध्ये पडलेल्या नागाला जीवदान देण्यात सर्पमित्रांना यश आले असून नागाला निसर्गाच्या सानिध्यात मुक्त करण्यात आले आहे.

सणसवाडी (ता. शिरुर) येथील सुनील हरगुडे यांच्या शेतातील विहिरीतील पाण्यामध्ये मध्ये एक नाग पडला असल्याचे काही नागरिकांना दिसले त्यांनी याबाबतची माहिती इंडिया बुक रेकोर्ड नोंद सर्पमित्र शेरखान शेख यांना देताच सर्पमित्र शेरखान शेख व अमोल कुसाळकर यांनी सदर ठिकाणी धाव घेत विहिरीमध्ये पडलेल्या नागाला शिताफीने बाहेर काढले.

यावेळी भरत भालेराव, अमोल वाघमारे, परसू दास, पिंकी भालेराव यांसह आदी उपस्थित होते. दरम्यान सर्पमित्रांनी पाण्यातून बाहेर काढत जीवदान दिलेल्या नागाला शिरुर वनविभागाचे वनरक्षक बबन दहातोंडे यांना महिती देत निसर्गाच्या सानिध्यात मुक्त करण्यात आले.