रांजणगाव गणपती येथील सामाजिक कार्यकर्ते दत्तात्रय जाधव यांचे निधन

शिरुर (तेजस फडके): रांजणगाव गणपती (ता. शिरुर) येथील दत्तात्रय खंडू जाधव (वय 49) हे रांजणगाव गणपती येथील बसस्थानकाकडुन मंदिराकडे पायी चालत येत असताना त्यांना पाठीमागून टेम्पोने धडक दिली होती. त्यानंतर त्यांना शिरुर येथील खासगी रूग्णालयात उपचारासाठी दाखल केले असता उपचारादरम्यान त्यांचा मृत्यु झाला.

रांजणगाव गणपती येथील राजकीय, सामाजिक, धार्मिक क्षेत्रात दत्तात्रय जाधव यांचे मोलाचे योगदान होते. रांजणगाव परिसरातील नातेवाईक, ग्रामस्थ यांनी दत्तात्रय जाधव यांच्या अपघाती निधनाबद्दल हळहळ व्यक्त केली. त्यांच्या पाठिमागे त्यांची पत्नी, २ मुले, आई-वडील, भाऊ, सुन, बहिण, असा परिवार आहे. शिरुर लोकसभा भा ज पा विद्यार्थी आघाडीचे जिल्हाध्यक्ष हर्षद जाधव हे त्यांचे पुत्र होत.