तळेगाव ढमढेरेत महिलेची विहिरीत उडी मारुन आत्महत्या

शिक्रापूर (शेरखान शेख): तळेगाव ढमढेरे (ता. शिरुर) येथील माळीमळा येथे मयूर यादव यांच्या येथे त्याची मावशी आलेली होती. (दि. २२) ऑगस्ट रोजी सकाळच्या सुमारास यादव यांच्या घरासमोर आरडाओरडा व गर्दी झाल्याने दिसल्याने मयूर याने तेथे जाऊन पाहणी केली असता मयूरची मावशी संगीता दत्तात्रय बांदल (वय ४५) रा. बजाजनगर औरंगाबाद जि. औरंगाबाद हिने सदर विहिरीमध्ये आत्महत्या केल्याचे निदर्शनास आले.

याबाबत मयूर प्रकाश यादव (वय २७) रा. माळीमळा तळेगाव ढमढेरे (ता. शिरुर) जि. पुणे यांनी शिक्रापूर पोलीस स्टेशन येथे खबर दिली असल्याने शिक्रापूर पोलिसांनी आकस्मात मृत्यूची नोंद केली असून पुढील तपास पोलीस निरीक्षक हेमंत शेडगे यांच्या मार्गदर्शनाखाली पोलीस हवालदार किशोर तेलंग हे करत आहे.