शिक्रापूर (शेरखान शेख): शिक्रापूर (ता. शिरुर) येथे एका कार मध्ये गांजा ठेवून फिरणाऱ्या कार चालकावर पोलिसांनी कारवाई करत कार सह गांजा जप्त करुन कार चालकावर गुन्हे दाखल करत अटक केली असून तेजस कुंडलिक भोगाडे असे पोलिसांनी अटक केलेल्या युवकाचे नाव आहे.
शिक्रापूर (ता. शिरुर) येथील एस एस प्लाझा सोसायटी समोर एका राखाडी रंगाच्या कार मध्ये एक युवकाने गांजाची पिशवी ठेवली असल्याची माहिती शिक्रापूर पोलिसांना मिळाली. त्यानंतर सहाय्यक पोलीस उपनिरीक्षक जितेंद्र पानसरे, पोलीस शिपाई लखन शिरसकर यांनी सदर ठिकाणी जाऊन पाहणी केली असता एम एच १२ आर टी २३४४ हि इको कार दिसून आली.
दरम्यान पोलिसांनी कार चालकाला बोलावत कारची पाहणी केली असता कारमध्ये एका पिशवीत गांजा ठेवल्याचे दिसून यावेळी पोलिसांनी कार चालकाकडे चौकशी केली काहीही माहिती मिळू शकली नाही, तर कार मध्ये पाऊण किलो गांजा मिळून आल्याने पोलिसांनी गांजा सह सदर कार जप्त केली.
याबाबत सहाय्यक पोलीस उपनिरीक्षक जितेंद्र शिवाजी पानसरे रा. शिक्रापूर (ता. शिरुर) जि. पुणे यांनी शिक्रापूर पोलीस स्टेशन येथे फिर्याद दिली असल्याने शिक्रापूर पोलिसांनी तेजस कुंडलिक भोगाडे (वय ३०) रा. एस एस प्लाझा शिक्रापूर (ता. शिरुर) जि. पुणे मूळ रा. खरपुडी ता. खेड जि. पुणे याच्या विरुद्ध गुन्हे दाखल करत त्याला अटक केली असून सदर गुन्ह्याचा पुढील तपास पोलीस निरीक्षक हेमंत शेडगे यांच्या मार्गदर्शनाखाली सहाय्यक पोलीस निरीक्षक नितीन अतकरे हे करत आहे.
कार मध्ये गांजा आणून ठेवल्याची चर्चा…
शिक्रापूर पोलिसांनी कारवाई केलेल्या कार मध्ये आढळून आलेल्या गांजाशी कार चालकाचा काहीही संबंध नसून अन्य व्यक्तीने कार मध्ये गांजा ठेवून सकाळच्या सुमारास पोलिसांना माहिती देत कारवाई केल्याची चर्चा परिसरात रंगली आहे.
मुंबई: भारतभूमी ही केवळ भौगोलिक सीमा नसून हजारो वर्षांची संस्कृती, ज्ञान, परंपरा, संघर्ष आणि सामर्थ्याची…
मुंबई: माजी उपमुख्यमंत्री दिवंगत अजितदादा पवार यांच्या जयंतीनिमित्त राष्ट्रवादी काँग्रेसच्या प्रदेश कार्यालयात आज त्यांना भावपूर्ण…
पेपरफुटी, विद्यार्थ्यांचे आंदोलन आणि शेतकरी कर्जमाफीवर सरकारला धारेवर धरले; लोकशाही दडपण्याचा आरोप नागपूर: आंदोलन करणाऱ्या…
शिरुर (तेजस फडके): गेल्या काही महिन्यांपासून शिरुर तालुक्यात वाढत्या गुन्हेगारीमुळे सर्वसामान्य नागरिकांमध्ये भीतीचे वातावरण निर्माण…
न्हावरे (अक्षय टेमगिरे) : करडे (ता. शिरुर) गावात जुन्या भांडणाचा राग मनात धरुन एका तरुणाचा…
शिरूर (अरुणकुमार मोटे): शिरूर तालुक्यातील संविदणे गावात भरदिवसा झालेल्या धाडसी घरफोडीने परिसरात भीतीचे वातावरण निर्माण…