Shirur Police Station
शिरूर (तेजस फडके) : नवीन खरेदी केलेल्या शेतजमिनीच्या वादातुन एकाने आपल्या साथीदारांच्या मदतीने एका चुलत भावाच्या डोळ्यात मिरचीची पुड टाकत त्याच्या कुटुंबावर लाकडी दांडक्याने जीवघेणा हल्ला केल्याची धक्कादायक घटना निमगाव दुडे (ता. शिरूर) येथे घडली आहे. या भीषण हल्ल्यात शेतकरी, त्यांची पत्नी आणि वृद्ध वडील गंभीर जखमी झाले असून, याप्रकरणी शिरूर पोलिस ठाण्यात ४ जणांविरोधात गुन्हा दाखल करण्यात आला आहे.
याबाबत ज्ञानेश्वर संपत गायकवाड (वय ४० (रा. निमगाव दुडे, ता. शिरूर, जि. पुणे) यांच्या फिर्यादीवरुन चुलत भाऊ नितीन बाळासाहेब गायकवाड, चुलती मालती बाळासाहेब गायकवाड, राहुल घोडे आणि शिवाजी घोडे (सर्व रा. निमगाव दुडे, शिरूर) यांच्याविरुद शिरूर पोलिस ठाण्यात गुन्हा नोंदवण्यात आला आहे.
शिरूर पोलिसांनी दिलेल्या माहितीनुसार, फिर्यादी ज्ञानेश्वर गायकवाड यांनी महिनाभरापुर्वी गावातील सोनवणे यांच्याकडून २५ गुंठे शेतजमीन खरेदी केली आहे. ६ जून २०२६ रोजी सायंकाळी ६ वाजण्याच्या सुमारास ज्ञानेश्वर, त्यांची पत्नी स्वाती आणि वडील संपत हे या नवीन शेतात काम करत असताना त्यांचा चुलत भाऊ नितीन गायकवाड तिथे आला. त्याने “तुम्ही माझ्या आईला मारहाण का केली…?” असा खोटा आरोप करत वाद घालण्यास सुरुवात केली.
यावेळी गायकवाड कुटुंबाने त्याला समजावून सांगण्याचा प्रयत्न केला, मात्र नितीनने अचानक खिशातील मिरचीची पुड काढून ज्ञानेश्वर यांच्या डोळ्यात फेकली आणि शर्टाच्या पाठीमागे लपवून आणलेल्या लाकडी दांडक्याने ज्ञानेश्वर यांच्या डोक्यात, पाठीत, खांद्यावर आणि हातावर बेदम मारहाण सुरू केली. तसेच मध्यस्थी करणाऱ्या त्यांच्या पत्नी व वडिलांनाही दांडक्याने मारहाण करुन गंभीर दुखापत केली.
हा हल्ला करत असतानाच आरोपीने, “पुन्हा माझ्या नादी लागला, तर गावातील राहुल घोडे, शिवाजी घोडे आणि अजिंक्य गायकवाड यांना आणुन तुझा कार्यक्रम (खून) करतो,” अशी धमकी दिली. आरडाओरडा ऐकून शेजारील शेतातील लोक धावून आले आणि त्यांनी जखमींची सुटका केली. दरम्यान, तिथे आलेल्या नितीनची आई मालती गायकवाड हिनेही “तुम्हाला आयुष्यभर जेलमध्ये पाठवीन,” अशी धमकी दिली.
यानंतर जखमी कुटुंब शिरूर पोलिस ठाण्यात तक्रार गेले. तिथे पोलिसांनी त्यांना वैद्यकीय तपासणीसाठी शिरूरच्या ग्रामीण रुग्णालयात पाठवले. यावेळी जखमी गायकवाड कुटुंब ग्रामीण रुग्णालयाबाहेर जात असताना आरोपी राहुल घोडे आणि शिवाजी घोडे यांनी पुन्हा त्यांचा रस्ता अडवून “नीट राहा, नाहीतर तुझा कार्यक्रम करण्यात येईल,” अशी जीवे मारण्याची धमकी दिली.
जखमींची प्रकृती चिंताजनक असल्याने पुढील उपचारासाठी ज्ञानेश्वर गायकवाड आणि त्यांची पत्नी यांना शिरूर येथील खाजगी हॉस्पिटलमध्ये दाखल करण्यात आले आहे. या प्रकरणाचा पुढील अधिक तपास शिरूर पोलिस ठाण्याचे सहाय्यक पोलिस उपनिरीक्षक राजेंद्र सोनबा चव्हाण हे करत आहेत.
शिरूर! वरूडे खून प्रकरणाचा 36 तासांत उलगडा; मुलगा ताब्यात; कारण समोर…
Video! शिरूर तालुक्यात वेश्या व्यवसायवर पोलिसांचा छापा; परदेशी महिलांसह सात महिलांची सुटका…
शिरूरच्या करडे घाटात गोळीबार, विशाल काळेसोबत नेमकं काय घडलं…
शिरूर तालुक्यात वृद्ध शेतकऱ्यावर जीवघेणा हल्ला; दातच पाडले…
शिरूरमध्ये ‘सोन्याच्या मोडी’च्या नावाखाली तब्बल १ कोटींची फसवणूक…
शिक्रापुर (ओंकार भोरडे) शिरुर तालुक्यातील वरूडे गावात घराबाहेर झोपलेल्या व्यक्तीच्या निर्घृण हत्येचा उलगडा अवघ्या 36…
मुंबई : मराठा समाजातील विद्यार्थ्यांना शैक्षणिक सवलती, शेतकऱ्यांसाठी कर्जमाफी आणि नाशिक कुंभमेळ्यानिमित्त तपोवन विकासासाठी आर्थिक…
नागपूर: महायुती सरकारने जाहीर केलेली शेतकरी कर्जमाफी ही सरसकट नसून अनेक जाचक अटी-शर्तींनी युक्त असल्याने…
मुंबई: अखिल भारतीय मराठी चित्रपट महामंडळाच्या २०२६ ते २०३१ या पंचवार्षिक कार्यकाळासाठी झालेल्या निवडणुकीत निर्माता…
मुंबई: "नेत्रदान हे मानवतेचे श्रेष्ठदान असून एका व्यक्तीच्या नेत्रदानामुळे दृष्टीहीनांच्या आयुष्यात नवी पहाट निर्माण होऊ…
षण्मुखानंद सभागृहात दुपारी २ वाजता होणार कार्यक्रम; संघटन विस्ताराला प्राधान्य मुंबई: पंतप्रधान नरेंद्र मोदी यांनी १०…