शिक्रापूर (शेरखान शेख): करंदी (ता. शिरुर) येथे एका जमिनीच्या खरेदीखताला साक्षीदार झालेल्या एका व्यक्तीच्या घरात घुसून शिवीगाळ, दमदाटी करत कोयत्याने मारुन जीवे मारण्याची धमकी दिली असल्याची घटना घडली असल्याने शिक्रापूर पोलीस स्टेशन येथे शहाजी खंडेराव ढोकले या व्यक्तीवर गुन्हे दाखल करण्यात आले आहे.
करंदी (ता. शिरुर) येथील शहाजी ढोकले यांची जमीन त्यांचे वडील खंडेराव ढोकले, भाऊ जिजाबा ढोकले, रतन ढोकले व बहिण कल्याणी ठाकर यांनी काही वर्षापूर्वी गावातील जांभळकर व गावडे कुटुंबियांना विक्री केली होती. सदर जमिनीच्या खरेदीखताचे वेळी दिलीप दशरथ ढोकले यांनी जमिनीच्या खरेदीखतावर सही केलेली असून सध्या त्या जमिनीचा न्यायालयात दावा सुरु आहे.
सदर जमिनीच्या खरेदीखतावर सही करणाऱ्या दिलीप ढोकले यांच्या घरी शहाजी ढोकले हा अनाधिकाराने गेला यावेळी घरातील दिलीप ढोकले यांचा पुतण्या रवींद्र ढोकले यांना शिवीगाळ, दमदाटी करत तुम्ही आमच्या जमिनीच्या खरेदीखताला साक्षीदार का झाला असे म्हणून जीवे मारण्याची धमकी देऊ लागला तसेच दिलीप दशरथ ढोकले याला कोयत्यानेच मारतो आणि तुम्हाला देखील जिवंत ठेवत नाही, अशी धमकी दिली.
याबाबत रवींद्र शंकर ढोकले (वय ४७) रा. करंदी (ता. शिरुर) जि. पुणे यांनी शिक्रापूर पोलीस स्टेशन येथे फिर्याद दिली असल्याने शिक्रापूर पोलिसांनी शहाजी खंडेराव ढोकले रा. करंदी (ता. शिरुर) जि. पुणे यांच्या विरुद्ध गुन्हे दाखल केले असून सदर गुन्ह्याचा पुढील तपास पोलीस निरीक्षक हेमंत शेडगे यांच्या मार्गदर्शनाखाली पोलीस हवालदार आजिनाथ शिंदे हे करत आहे.
शिरूर लोकसभा निवडणूकसाठी मतदार पार पडले असून, ठिकठिकाणी चर्चांना उधाण आले आहे. अमोल कोल्हे पाच…
कान्हूर मेसाई (सुनिल जिते) लोकसभा निवडणुकीच्या चौथ्या टप्प्यात शिरूर मतदार संघासाठी सोमवारी मतदान झाले. कान्हूर…
तळेगाव ढमढेरे (योगेश शेंडगे) शिरुर तालुक्यातील तळेगाव ढमढेरे गावातील अतिशय महत्त्वाचा तसेच वर्दळीचा आणि पुणे-नगर…
शिक्रापुर (योगेश शेंडगे) शिरुर तालुक्यातील तळेगाव-न्हावरे रस्त्यावर (NH548D) न्हावरेच्या बाजुने तळेगाव ढमढेरेच्या दिशेने जाणारा भरधाव…
शिरुर (तेजस फडके) आज (दि 12) मे रोजी दिवसभर झी वाहिनीच्या विविध चॅनलवर स्वराज्याचे दुसरे…
शिरुर (तेजस फडके) ज्या भारतीय जनता पक्षाची तळी घेऊन आता तुम्ही एका शेतकऱ्याच्या पोराला पाडायला…